રંગઅંધતા (color blindness) જેવી લિંગ-સંલગ્ન પ્રચ્છન્ન જનીનિક ખામીનું વંશાવળી પૃથક્કરણ દ્વારા વર્ણન કરો.

(N/A) રંગઅંધતા એ લિંગ-સંલગ્ન પ્રચ્છન્ન જનીનિક ખામી છે,જે $X$ રંગસૂત્ર પર હાજર ચોક્કસ જનીનોમાં વિકૃતિને કારણે થાય છે.
આ ખામીને કારણે આંખના લાલ અથવા લીલા શંકુકોષોમાં ખામી સર્જાય છે,પરિણામે વ્યક્તિ લાલ અને લીલા રંગ વચ્ચેનો તફાવત પારખી શકતી નથી.
આ ખામી આશરે $8\%$ નરોમાં અને માત્ર $0.4\%$ સ્ત્રીઓમાં જોવા મળે છે,કારણ કે લાલ-લીલા રંગઅંધતા માટેના જનીનો $X$ રંગસૂત્ર પર આવેલા હોય છે.
નર માત્ર એક જ $X$ રંગસૂત્ર ધરાવે છે,જ્યારે માદા બે $X$ રંગસૂત્રો ધરાવે છે.
જો માતા આ જનીનની વાહક હોય,તો તેના પુત્રમાં રંગઅંધ હોવાની શક્યતા $50\%$ હોય છે.
માતા પોતે રંગઅંધ હોતી નથી કારણ કે આ જનીન પ્રચ્છન્ન છે અને તેની અસર તેના બીજા સામાન્ય પ્રભાવી જનીન દ્વારા દબાવી દેવામાં આવે છે.
પુત્રી ત્યારે જ રંગઅંધ હોઈ શકે જો તેની માતા વાહક હોય અને પિતા રંગઅંધ હોય.