કયા વૈજ્ઞાનિકે પ્રયોગ દ્વારા પૃથ્વીના આદિ વાતાવરણ જેવું વાતાવરણ સર્જ્યું હતું? આ પ્રયોગ સમજાવો.

(N/A) ઈ. સ. $1953$ માં એસ. એલ. મિલર ($S$. $L$. Miller) નામના અમેરિકન વૈજ્ઞાનિકે પૃથ્વીના આદિ વાતાવરણ જેવી જ સ્થિતિ પ્રયોગશાળામાં નિર્માણ કરી. તેમણે એક બંધ ફ્લાસ્કમાં $CH_4, H_2, NH_3$ અને પાણીની વરાળને $800\,^oC$ તાપમાને મિશ્ર કરી ઇલેક્ટ્રોડ દ્વારા વિદ્યુતઊર્જા (તણખા) મુક્ત કરાવી.
તેમણે જોયું કે તેમાં એમિનોએસિડનું નિર્માણ થયું હતું. અન્ય વૈજ્ઞાનિકોના આવા જ પ્રકારના પ્રયોગોમાં પણ શર્કરા,નાઈટ્રોજન બેઈઝ,રંજકદ્રવ્ય અને ચરબીનું નિર્માણ જોવા મળ્યું હતું.
પૃથ્વી પર પડેલી ઉલ્કાઓનું પૃથક્કરણ કરતાં આવાં દ્રવ્યો તેમાં પણ મળી આવે છે,જે દર્શાવે છે કે કદાચ અવકાશમાં પણ આવી જ ક્રિયા થતી હોવી જોઈએ. આવા મર્યાદિત પુરાવા સાથે રાસાયણિક ઉદ્દવિકાસની વાતને પ્રથમ સંકલ્પના તરીકે સ્વીકારવામાં આવી છે.