ઉદ્દવિકાસના અશ્મિવિદ્યાકીય (Paleontological) પુરાવાઓ આપો.

(N/A) પૃથ્વી પર જીવોનો ઉદ્દવિકાસ થયો છે તે વાતના પુરાવા ઘણી દિશામાંથી પ્રાપ્ત થયા છે. અશ્મિઓ ખડકોમાં મળી આવતા સજીવોના સખત ભાગોના અવશેષો છે.
ખડકો અવસાદ (sediments) બનાવે છે અને પૃથ્વીના પોપડાનો છેદ એ સંકેત આપે છે કે પૃથ્વીના લાંબા ઇતિહાસ દરમિયાન અવસાદના સ્તરો એકબીજાની ઉપર ગોઠવાયેલા છે.
વિવિધ વયના અવસાદી ખડકોમાં તે સમયગાળા દરમિયાન મૃત્યુ પામેલા વિવિધ જીવસ્વરૂપોના અશ્મિઓ જોવા મળે છે. તેમાંના કેટલાક આધુનિક સજીવો સાથે સામ્યતા ધરાવે છે.
તેઓ લુપ્ત સજીવોનું પ્રતિનિધિત્વ કરે છે (દા.ત.,ડાયનોસોર). વિવિધ અવસાદી સ્તરોના અશ્મિઓનો અભ્યાસ તે ભૂસ્તરીય સમયગાળો દર્શાવે છે જેમાં તેઓ અસ્તિત્વ ધરાવતા હતા. આ અભ્યાસ દર્શાવે છે કે જીવસ્વરૂપો સમય સાથે બદલાતા રહે છે અને અમુક જીવસ્વરૂપો ચોક્કસ ભૂસ્તરીય સમયગાળા સુધી જ મર્યાદિત હોય છે. તેથી,પૃથ્વીના ઇતિહાસમાં જુદા-જુદા સમયે જીવનના નવા સ્વરૂપો ઉદ્દભવ્યા છે. આ બધાને અશ્મિવિદ્યાકીય પુરાવા કહેવામાં આવે છે.