પરમાણ્વીય કક્ષકોના સંકરણનો અર્થ શું થાય છે?

(N/A) $CH_4$,$NH_3$ અને $H_2O$ જેવા બહુપરમાણ્વીય અણુઓના લાક્ષણિક ભૌમિતિક આકારો સમજવા માટે પાઉલિંગે કક્ષકોના સંકરણનો ખ્યાલ દાખલ કર્યો.
પાઉલિંગની વ્યાખ્યા: તેમના મત પ્રમાણે,પરમાણ્વીય કક્ષકો જોડાઈને સમતુલ્ય કક્ષકોનો એક સેટ બનાવે છે,જે 'સંકર કક્ષકો' તરીકે ઓળખાય છે.
શુદ્ધ કક્ષકોના બદલે આવી સંકર કક્ષકોનો ઉપયોગ બંધ રચનામાં થાય છે. સમાન ઊર્જા અને સમાન આકારવાળી નવી કક્ષકોનો સેટ રચવાની આ પ્રક્રિયાને 'સંકરણ' કહે છે.
ઉદાહરણ: કાર્બનની એક $2s$ અને ત્રણ $2p$ કક્ષકો મિશ્ર થઈને સંકરણ પામે છે અને નવી સમતુલ્ય સમાન આકારની ચાર $sp^3$ સંકર કક્ષકો બનાવે છે.