સમૂહ-$16$ ના તત્ત્વોની આયનીકરણ એન્થાલ્પી,ઇલેક્ટ્રોન પ્રાપ્તિ એન્થાલ્પી અને વિદ્યુતઋણતા વિશે માહિતી આપો.

(N/A) આયનીકરણ એન્થાલ્પી: સમૂહમાં નીચેની તરફ જતાં આયનીકરણ એન્થાલ્પી ઘટે છે,જેનું કારણ પરમાણ્વીય કદમાં થતો વધારો છે. આ સમૂહના તત્ત્વોની આયનીકરણ એન્થાલ્પીનું મૂલ્ય સમાન આવર્તના સમૂહ-$15$ ના તત્ત્વોની સરખામણીમાં ઓછું હોય છે.
આમ થવાનું કારણ સમૂહ-$15$ ના તત્ત્વો અર્ધપૂર્ણ ભરાયેલી $p$-કક્ષકોવાળી વિશેષ સ્થાયી ઇલેક્ટ્રોનીય રચના ધરાવે છે.
ઇલેક્ટ્રોન પ્રાપ્તિ એન્થાલ્પી: ઓક્સિજનના નાના કદના કારણે તેની ઇલેક્ટ્રોન પ્રાપ્તિ એન્થાલ્પી સલ્ફર કરતાં ઓછી ઋણ હોય છે. જો કે,સલ્ફરથી પોલોનિયમ સુધી જતાં આ મૂલ્યો ઓછા ઋણ થતા જાય છે.
વિદ્યુતઋણતા: બધાં તત્ત્વોમાં ફ્લોરિન પછી ઓક્સિજનની વિદ્યુતઋણતા સૌથી વધુ છે. સમૂહમાં પરમાણ્વીય ક્રમાંક વધવાની સાથે વિદ્યુતઋણતામાં ઘટાડો થાય છે. આ દર્શાવે છે કે ઓક્સિજનથી પોલોનિયમ તરફ જતાં ધાત્વીય લક્ષણ વધે છે.