હેલોઆલ્કેન અને હેલોએરીનનાં ગલનબિંદુ અને ઉત્કલનબિંદુની ચર્ચા કરો.

(N/A) ઓરડાના તાપમાને: મિથાઈલ ક્લોરાઈડ $(CH_3Cl)$,મિથાઈલ બ્રોમાઈડ $(CH_3Br)$,ઈથાઈલ ક્લોરાઈડ $(CH_3CH_2Cl)$ અને કેટલાંક ક્લોરોફલોરો મિથેન સંયોજનો ઓરડાના તાપમાને વાયુ સ્વરૂપે હોય છે,જ્યારે ઊંચા સભ્યો પ્રવાહી અથવા ઘન સ્વરૂપે હોય છે.
$(b)$ કાર્બનિક હેલોજનયુક્ત સંયોજનોના ઉત્કલનબિંદુ: કાર્બનિક હેલોજનયુક્ત સંયોજનો સામાન્ય રીતે ધ્રુવીય હોય છે. આલ્કેનનાં હેલોજન વ્યુત્પન્નોમાં $(i)$ વધુ ધ્રુવીયતા અને $(ii)$ ઊંચા આણ્વીય દળના કારણે,જનક હાઈડ્રોકાર્બનની સરખામણીમાં આંતર-આણ્વીય આકર્ષણબળો (દ્વિધ્રુવ-દ્વિધ્રુવ અને વાન્ ડર વાલ્સ) પ્રબળ હોય છે. આ કારણથી ક્લોરાઈડ,બ્રોમાઈડ અને આયોડાઈડ સંયોજનોના ઉત્કલનબિંદુ તેઓને સમતુલ્ય આણ્વીયદળ ધરાવતા હાઈડ્રોકાર્બન સંયોજનોના ઉત્કલનબિંદુના કરતાં ઊંચા હોય છે.
$(c)$ ઉત્કલનબિંદુ અને આકર્ષણબળ: અણુઓના વધતા જતા કદ અને ઈલેક્ટ્રોન સંખ્યા વધવાથી આકર્ષણબળ પ્રબળ થતું જાય છે અને પરિણામે ઉત્કલનબિંદુ વધે છે,જે આકૃતિમાં દર્શાવેલ છે.
$(d)$ આલ્કાઈલ હેલાઈડ સંયોજનોના ઉત્કલનબિંદુમાં ક્રમ: સમાન આલ્કાઈલ સમૂહ ધરાવતા આલ્કાઈલ હેલાઈડ સંયોજનોના ઉત્કલનબિંદુમાં ઘટાડાનો ક્રમ $RI > RBr > RCl > RF$ હોય છે. કારણ કે,જેમ હેલોજન પરમાણુનું દળ અને કદ વધારે હોય,તેમ વાન્ ડર વાલ્સ આકર્ષણબળોની માત્રામાં વધારો થાય છે.