એન્ટાર્કટિકા ઉપર ઓઝોન છિદ્ર શા માટે રચાય છે? પારજાંબલી વિકિરણોમાં વધારો આપણા પર કેવી અસર કરશે?

(N/A) મર્યાદિત વિસ્તારમાં ઓઝોન સ્તરની જાડાઈમાં ઘટાડાને ઓઝોન છિદ્ર (Ozone hole) કહે છે. તે સૌપ્રથમ એન્ટાર્કટિકામાં જોવા મળ્યું હતું. એન્ટાર્કટિકાની હવા 'પોલર વર્ટેક્ષ' (Polar vortex) તરીકે ઓળખાતી ઘટના દ્વારા બાકીના વિશ્વથી અલગ પડે છે. વાતાવરણમાં મુક્ત થતા $CFCs$ ધીમે ધીમે સ્ટ્રેટોસ્ફિયરમાં પ્રવેશે છે અને પવન તેમને ધ્રુવીય પ્રદેશો તરફ ધકેલે છે. એન્ટાર્કટિકામાં શિયાળા દરમિયાન પ્રવર્તતી વાતાવરણીય પરિસ્થિતિઓ ઓઝોન છિદ્રના નિર્માણમાં મદદરૂપ થાય છે. શિયાળાના મહિનાઓમાં સૂર્યપ્રકાશનો અભાવ અને અત્યંત નીચું તાપમાન બરફના વાદળો બનાવે છે,જે ક્લોરિનની પ્રક્રિયા માટે ઉદ્દીપક સપાટી પૂરી પાડે છે. $UV-B$ વિકિરણો અત્યંત હાનિકારક છે. માનવ આંખની કીકી (Cornea) $UV-B$ વિકિરણોનું શોષણ કરે છે,જેના કારણે આંખમાં સોજો આવે છે,જેને 'સ્નોબ્લાઈન્ડનેસ' (Snow blindness) અથવા મોતિયો કહેવાય છે,જે આંખની દ્રષ્ટિને કાયમી નુકસાન પહોંચાડી શકે છે. $UV-B$ વિકિરણો ત્વચાના કોષોને પણ નુકસાન પહોંચાડે છે અને ત્વચાનું કેન્સર પ્રેરે છે.