બે રીંગની જડત્વની ચાકમાત્રાનો ગુણોત્તર $4 : 1$ છે અને તેમના વ્યાસનો ગુણોત્તર $4 : 1$ છે. તેમના દળનો ગુણોત્તર કેટલો થાય?

જો અચળ કોણીય ઝડપથી ફરતું પૈડું ગતિ દરમિયાન તૂટી જાય,તો તેની ચક્રાવર્તનની ત્રિજ્યા પર શું અસર થશે?

$m$ દળ અને $\ell$ લંબાઈના બે સળિયાને એકબીજાને કેન્દ્રમાંથી જોડીને ક્રોસ (ચોકડી) બનાવવામાં આવે છે. ક્રોસના સામાન્ય કેન્દ્રમાંથી પસાર થતી અને તેના દ્વારા બનતા સમતલને લંબ અક્ષ પર જડત્વની ચાકમાત્રા કેટલી થશે?

$M$ દળ અને $R$ ત્રિજ્યા ધરાવતા ગોળાની તેના કેન્દ્રમાંથી પસાર થતી અક્ષને અનુલક્ષીને જડત્વની ચાકમાત્રા $\frac{2}{5} M R^2$ છે. આ અક્ષને સમાંતર અને ગોળાને સ્પર્શતી અક્ષને અનુલક્ષીને ગોળાની ચક્રાવર્તનની ત્રિજ્યા કેટલી થાય?

આકૃતિમાં દર્શાવ્યા મુજબ $l$ લંબાઈની બાજુ ધરાવતા ચોરસના ખૂણાઓ પર ચાર સમાન દળ $m$ મૂકવામાં આવ્યા છે. $A$ માંથી પસાર થતી અને $DB$ ને સમાંતર અક્ષને અનુલક્ષીને તંત્રની જડત્વની ચાકમાત્રા કેટલી થશે?

$m$ દળ અને $l$ લંબાઈ ધરાવતા ત્રણ સમાન પાતળા સળિયાઓને અનુક્રમે $x, y$ અને $z$-અક્ષ પર એવી રીતે મૂકવામાં આવ્યા છે કે દરેક સળિયાનો એક છેડો ઉગમબિંદુ $O$ પર રહે. તો $z$-અક્ષને અનુલક્ષીને આ તંત્રની જડત્વની ચાકમાત્રા કેટલી થશે?