વિદ્યુતચુંબકત્વમાં વિવિધ વૈજ્ઞાનિકોના યોગદાનની ચર્ચા કરો. વિદ્યુતચુંબકીય પ્રેરણની વ્યાખ્યા આપો.

(N/A) લાંબા સમય સુધી વિદ્યુત અને ચુંબકત્વને અલગ અને અસંબંધિત ઘટનાઓ માનવામાં આવતી હતી. $19$ મી સદીના શરૂઆતના દાયકાઓમાં,ઓર્સ્ટેડ,એમ્પીયર અને અન્ય કેટલાક વૈજ્ઞાનિકોના પ્રયોગોએ સ્થાપિત કર્યું કે વિદ્યુત અને ચુંબકત્વ એકબીજા સાથે જોડાયેલા છે. તેઓએ શોધી કાઢ્યું કે ગતિશીલ વિદ્યુતભારો ચુંબકીય ક્ષેત્રો ઉત્પન્ન કરે છે.
ઇંગ્લેન્ડમાં માઈકલ ફેરાડે અને $USA$ માં જોસેફ હેનરીએ $1830$ ની આસપાસ પ્રયોગો દ્વારા સાબિત કર્યું કે જ્યારે બંધ ગૂંચળાઓને બદલાતા ચુંબકીય ક્ષેત્રોમાં રાખવામાં આવે છે,ત્યારે તેમાં વિદ્યુત પ્રવાહ પ્રેરિત થાય છે.
જે ઘટનામાં બદલાતા ચુંબકીય ક્ષેત્રો દ્વારા વિદ્યુત પ્રવાહ ઉત્પન્ન થાય છે,તેને વિદ્યુતચુંબકીય પ્રેરણ કહેવામાં આવે છે.