એક પ્રયોગ દરમિયાન, અવકાશયાનમાંથી એક સિગ્નલ પાંચ મિનિટમાં ગ્રાઉન્ડ સ્ટેશન પર પહોંચ્યું. ગ્રાઉન્ડ સ્ટેશનથી અવકાશયાનનું અંતર કેટલું હતું? સિગ્નલ પ્રકાશની ગતિએ મુસાફરી કરે છે, જે $3 \times 10^{8} \, m \, s^{-1}$ છે.

$20 \, m$ ની ઊંચાઈ પરથી એક દડાને હળવેકથી નીચે પાડવામાં આવે છે. જો તેનો વેગ $10 \, m s^{-2}$ ના દરે સમાન રીતે વધતો હોય,તો તે કેટલા વેગથી જમીન સાથે અથડાશે? તે કેટલા સમય પછી જમીન સાથે અથડાશે?

પદાર્થની નિયમિત અને અનિયમિત ગતિ માટે અંતર-સમયના આલેખનો પ્રકાર કેવો હોય છે?

એક કૃત્રિમ ઉપગ્રહ $42250 \, km$ ત્રિજ્યાની વર્તુળાકાર કક્ષામાં ગતિ કરી રહ્યો છે. જો તેને પૃથ્વીની આસપાસ એક ચક્કર પૂર્ણ કરતા $24 \, h$ લાગતા હોય,તો તેની ઝડપ ($m s^{-1}$ માં) ગણો.

$52\, km\, h^{-1}$ ની ઝડપે ગતિ કરતી કારનો ડ્રાઈવર બ્રેક લગાડે છે અને વિરુદ્ધ દિશામાં સમાન પ્રવેગ ઉત્પન્ન કરે છે. કાર $5\, s$ માં અટકી જાય છે. બીજી કારમાં $3\, km\, h^{-1}$ ની ઝડપે જઈ રહેલો બીજો ડ્રાઈવર ધીમેથી બ્રેક લગાડે છે અને $10\, s$ માં અટકી જાય છે. એક જ આલેખપત્ર પર બંને કાર માટે ઝડપ વિરુદ્ધ સમયનો આલેખ દોરો. બ્રેક લગાવ્યા પછી બંનેમાંથી કઈ કાર વધુ અંતર કાપશે?

એક પથ્થરને $5 \, m s^{-1}$ ના વેગથી શિરોલંબ ઉપરની દિશામાં ફેંકવામાં આવે છે. જો ગતિ દરમિયાન પથ્થરનો પ્રવેગ નીચેની દિશામાં $10 \, m s^{-2}$ હોય,તો પથ્થર દ્વારા પ્રાપ્ત કરેલી ઊંચાઈ અને ત્યાં પહોંચવા માટે કેટલો સમય લાગશે?