રોગ પ્રતિકારકતા માટે સંવર્ધનની પદ્ધતિઓ સમજાવો.

(N/A) રોગ પ્રતિકારકતા માટેનું સંવર્ધન પરંપરાગત સંવર્ધન પદ્ધતિઓ અથવા વિકૃતિ (Mutation) સંવર્ધન દ્વારા કરવામાં આવે છે.
પરંપરાગત પદ્ધતિમાં સંકરણ અને પસંદગીનો સમાવેશ થાય છે. તેના સોપાન અન્ય કૃષિ લક્ષણો જેવા કે વધુ ઉત્પાદન માટેના સંવર્ધન જેવા જ હોય છે.
ક્રમિક સોપાન નીચે મુજબ છે:
$1$. પ્રતિકારકતાના સ્ત્રોતો માટે જર્મપ્લાઝમનું સ્ક્રીનિંગ.
$2$. પસંદ કરેલા પિતૃઓનું સંકરણ.
$3$. સંકર જાતોની પસંદગી અને મૂલ્યાંકન.
$4$. નવી જાતોનું પરીક્ષણ અને વિમોચન.
આ પદ્ધતિઓ દ્વારા વિકસિત કેટલીક પાક જાતો:

પાક	જાત	રોગ સામે પ્રતિકારકતા
ઘઉં	હિમગિરી	પર્ણ અને પટ્ટી ગેરુ,હિલ બન્ટ
બ્રાસિકા	પૂસા સ્વર્ણિમ (કરણ રાય)	વ્હાઇટ રસ્ટ
ફુલેવર	પૂસા શુભ્રા,પૂસા સ્નોબોલ $K-1$	બ્લેક રોટ અને કર્લ બ્લાઇટ બ્લેક રોટ
ચોળી	પૂસા કોમલ	બેક્ટેરિયલ બ્લાઇટ
મરચી	પૂસા સદાબહાર	ચિલી મોઝેક વાયરસ,ટોબેકો મોઝેક વાયરસ અને લીફ કર્લ

પરંપરાગત સંવર્ધન ઘણીવાર પાકની જાતો અથવા જંગલી સંબંધીઓમાં ઉપલબ્ધ મર્યાદિત રોગ પ્રતિકારક જનીનોને કારણે મર્યાદિત રહે છે.
વિકૃતિ સંવર્ધનમાં વિવિધ માધ્યમો દ્વારા વનસ્પતિમાં વિકૃતિ પ્રેરીને પ્રતિકારકતા માટે તપાસ કરવામાં આવે છે,જે ઇચ્છનીય જનીનોની ઓળખ કરવામાં મદદ કરે છે.
અન્ય પદ્ધતિઓમાં સોમાક્લોનલ ભિન્નતાઓની પસંદગી અને જનીનિક ઇજનેરીનો સમાવેશ થાય છે.