લિપિડના બંધારણ વિશે માહિતી આપો.

(N/A) $\Rightarrow$ લિપિડ સામાન્ય રીતે પાણીમાં અદ્રાવ્ય હોય છે. તે સાદા ફેટી એસિડ હોઈ શકે છે.
$\Rightarrow$ ફેટી એસિડમાં કાર્બોક્સિલ સમૂહ $R$ સમૂહ સાથે જોડાયેલો હોય છે.
$\Rightarrow$ $R$ સમૂહ મિથાઈલ $(-CH_{3})$,ઈથાઈલ $(-C_{2}H_{5})$ અથવા $-CH_{2}$ સમૂહોની વધુ સંખ્યા ($1$ કાર્બન થી $19$ કાર્બન) હોઈ શકે છે. ઉદાહરણ તરીકે,પામિટિક એસિડમાં કાર્બોક્સિલ કાર્બન સહિત $16$ કાર્બન હોય છે. એરેકીડોનિક એસિડમાં કાર્બોક્સિલ કાર્બન સહિત $20$ કાર્બન પરમાણુઓ હોય છે.
$\Rightarrow$ ફેટી એસિડ સંતૃપ્ત (દ્વિબંધ વગરના) અથવા અસંતૃપ્ત (એક કે તેથી વધુ $C=C$ દ્વિબંધ ધરાવતા) હોઈ શકે છે.
$\Rightarrow$ અન્ય એક સાદું લિપિડ ગ્લિસરોલ છે,જે ટ્રાયહાઈડ્રોક્સી પ્રોપેન છે.
$\Rightarrow$ ઘણા લિપિડમાં ગ્લિસરોલ અને ફેટી એસિડ બંને હોય છે. અહીં ફેટી એસિડ ગ્લિસરોલ સાથે એસ્ટરીકૃત થયેલા હોય છે. તે મોનોગ્લિસરાઈડ્સ,ડાયગ્લિસરાઈડ્સ અને ટ્રાયગ્લિસરાઈડ્સ હોઈ શકે છે. ગલનબિંદુના આધારે તેમને ચરબી અને તેલ પણ કહેવામાં આવે છે.
$\Rightarrow$ તેલનું ગલનબિંદુ નીચું હોય છે (દા.ત.,તલનું તેલ) અને તેથી તે શિયાળામાં તેલ સ્વરૂપે જ રહે છે.
$\Rightarrow$ કેટલાક લિપિડમાં ફોસ્ફરસ અને ફોસ્ફોરાયલેટેડ કાર્બનિક સંયોજન હોય છે. આને ફોસ્ફોલિપિડ્સ કહેવાય છે. તે કોષરસસ્તરમાં જોવા મળે છે. લેસીથિન તેનું એક ઉદાહરણ છે. કેટલાક પેશીઓ,ખાસ કરીને ચેતાપેશીઓમાં વધુ જટિલ બંધારણ ધરાવતા લિપિડ હોય છે.