સોડિયમ સલ્ફાઇટના જલીય દ્રાવણમાં બેરિયમ ક્લોરાઇડના દ્રાવણનું એક ટીપું ઉમેરતા સફેદ અવક્ષેપ મળે છે.
$(a)$ આ પ્રક્રિયા માટેનું સંતુલિત રાસાયણિક સમીકરણ લખો.
$(b)$ આ અવક્ષેપન પ્રક્રિયાને બીજું કયું નામ આપી શકાય?
$(c)$ પ્રક્રિયા મિશ્રણમાં મંદ હાઇડ્રોક્લોરિક એસિડ ઉમેરતા સફેદ અવક્ષેપ અદ્રશ્ય થઈ જાય છે. શા માટે?

(A) સંતુલિત રાસાયણિક સમીકરણ નીચે મુજબ છે:
$Na_{2}SO_{3}(aq) + BaCl_{2}(aq) \rightarrow BaSO_{3}(s) + 2NaCl(aq)$
$(b)$ આ પ્રક્રિયાને દ્વિવિસ્થાપન પ્રક્રિયા તરીકે પણ ઓળખવામાં આવે છે.
$(c)$ $BaSO_{3}$ એ નિર્બળ એસિડ,સલ્ફ્યુરસ એસિડ $(H_{2}SO_{3})$ નો ક્ષાર છે. જ્યારે તેમાં મંદ હાઇડ્રોક્લોરિક એસિડ $(HCl)$ ઉમેરવામાં આવે છે,ત્યારે તે અદ્રાવ્ય બેરિયમ સલ્ફાઇટ સાથે પ્રક્રિયા કરીને દ્રાવ્ય બેરિયમ ક્લોરાઇડ,પાણી અને સલ્ફર ડાયોક્સાઇડ વાયુ બનાવે છે. પ્રક્રિયા નીચે મુજબ છે:
$BaSO_{3}(s) + 2HCl(aq) \rightarrow BaCl_{2}(aq) + H_{2}O(l) + SO_{2}(g)$
$BaCl_{2}$ પાણીમાં દ્રાવ્ય હોવાથી,સફેદ અવક્ષેપ અદ્રશ્ય થઈ જાય છે.