બે પ્રવાહી $(A)$ અને $(B)$ ને વિભાગીય નિસ્યંદન (fractional distillation) પદ્ધતિ દ્વારા અલગ કરી શકાય છે. પ્રવાહી $(A)$ નું ઉત્કલનબિંદુ પ્રવાહી $(B)$ ના ઉત્કલનબિંદુ કરતા ઓછું છે. નિસ્યંદિતમાં કયું પ્રવાહી પહેલા બહાર આવશે? સમજાવો.

(A) ઓછા ઉત્કલનબિંદુ ધરાવતું પ્રવાહી $(A)$ નિસ્યંદિતમાં સૌથી પહેલા બહાર આવશે.
જ્યારે મિશ્રણના ઘટકોના ઉત્કલનબિંદુમાં $20^{\circ}C$ કે તેથી ઓછો તફાવત હોય ત્યારે તેમને અલગ કરવા માટે વિભાગીય નિસ્યંદન પદ્ધતિનો ઉપયોગ થાય છે. આ પદ્ધતિમાં,ફ્લાસ્ક અને કન્ડેન્સરની વચ્ચે એક ફ્રેક્શનેટિંગ કોલમનો ઉપયોગ કરવામાં આવે છે. ફ્રેક્શનેટિંગ કોલમનો હેતુ ઉપર જતી બાષ્પ માટે અવરોધ ઊભો કરવાનો અને ઊંચું ઉત્કલનબિંદુ ધરાવતા પ્રવાહીને ઠંડુ કરવા માટે મોટી સપાટી પૂરી પાડવાનો છે.
પરિણામે,ઓછા ઉત્કલનબિંદુ ધરાવતા પ્રવાહી $(A)$ ની બાષ્પ ઉપર જશે,જ્યારે ઊંચું ઉત્કલનબિંદુ ધરાવતા પ્રવાહી $(B)$ ની બાષ્પ ઠંડી પડીને પાછી ફ્લાસ્કમાં જશે.
તેથી,આ પદ્ધતિમાં ઓછા ઉત્કલનબિંદુ ધરાવતું પ્રવાહી $(A)$ પહેલા નિસ્યંદિત થશે અને ઊંચું ઉત્કલનબિંદુ ધરાવતું પ્રવાહી $(B)$ ત્યારબાદ નિસ્યંદિત થશે.