$l$ લંબાઈ, $b$ પહોળાઈ $(b \ll l)$ અને $M$ ચુંબકીય મોમેન્ટ ધરાવતા પ્રમાણિત લંબચોરસ ગજિયા ચુંબકનો વાઈબ્રેશન મેગ્નેટોમીટરમાં આવર્તકાળ $4 \ s$ છે. જો ચુંબકને તેની લંબાઈને લંબ રૂપે કાપીને ચાર સમાન ટુકડા કરવામાં આવે, તો એક ટુકડા માટે આવર્તકાળ (સેકન્ડમાં) કેટલો થશે?

$30 \ cm$ લંબાઈનો એક પાતળો ચુંબકીય લોખંડનો સળિયો સમાન ચુંબકીય ક્ષેત્રમાં લટકાવવામાં આવ્યો છે. તેનો દોલનનો આવર્તકાળ $4 \ s$ છે. તેને ત્રણ સમાન ભાગોમાં તોડવામાં આવે છે. જ્યારે એક ભાગને તે જ ચુંબકીય ક્ષેત્રમાં લટકાવવામાં આવે ત્યારે તેનો આવર્તકાળ (સેકન્ડમાં) કેટલો હશે?

$49 \times 10^{-2} \,kg-m^2$ ની જડત્વની ચાકમાત્રા ધરાવતો એક ગજિયો ચુંબક $0.5 \times 10^{-4} \,T$ ના ચુંબકીય ક્ષેત્રમાં દોલનો કરે છે. જો દોલનનો આવર્તકાળ $8.8 \,s$ હોય,તો ગજિયા ચુંબકની ચુંબકીય ચાકમાત્રા શોધો. ($\,A-m^2$ માં)

વાઇબ્રેશન મેગ્નેટોમીટરમાં સમયગાળો (Time period) કયા સ્થાને અનંત (infinity) હશે?

એક ચુંબકને ચુંબકીય મેરિડિયનમાં વળ ન ચડાવેલા તાર વડે લટકાવવામાં આવે છે. તારના ઉપરના છેડાને $180^o$ જેટલો ફેરવતા ચુંબક ચુંબકીય મેરિડિયનથી $30^o$ જેટલું વિચલિત થાય છે. જ્યારે આ ચુંબકને બીજા ચુંબક દ્વારા બદલવામાં આવે છે,ત્યારે તારના ઉપરના છેડાને $270^o$ જેટલો ફેરવતા ચુંબક ચુંબકીય મેરિડિયનથી $30^o$ જેટલું વિચલિત થાય છે. ચુંબકોની ચુંબકીય મોમેન્ટનો ગુણોત્તર કેટલો હશે?

એક ચુંબકીય સોયનો ચુંબકીય મોમેન્ટ $5 \times 10^{-2} \text{ A m}^2$ અને જડત્વની ચાકમાત્રા $8 \times 10^{-6} \text{ kg m}^2$ છે. ચુંબકીય ક્ષેત્ર $\vec{B}$ માં તેનો દોલનનો સમયગાળો $2 \text{ s}$ છે. ચુંબકીય ક્ષેત્રનું મૂલ્ય આશરે કેટલું હશે?