પ્રક્રિયાનું સામાન્ય સમીકરણ લખો અને સમજાવો કે પ્રક્રિયાનો ક્રમ એટલે શું? તેની કિંમતો કઈ હોઈ શકે?

(N/A) સામાન્ય પ્રક્રિયા: $aA + bB \rightarrow cC + dD$
પ્રક્રિયા માટે વિકલનીય વેગ સમીકરણ નીચે મુજબ છે:
વેગ $= -\frac{d[R]}{dt} = k[A]^x[B]^y$
અહીં,$x$ અને $y$ ની કિંમતો પ્રાયોગિક રીતે નક્કી કરવામાં આવે છે જે તત્વયોગમિતિય સહગુણકો $a$ અને $b$ જેટલી હોઈ શકે અથવા ન પણ હોઈ શકે.
ઘાતાંક $x$ અને $y$ દર્શાવે છે કે પ્રક્રિયાનો વેગ $A$ અને $B$ ની સાંદ્રતામાં થતા ફેરફાર પ્રત્યે કેટલો સંવેદનશીલ છે.
$(i)$ $x$ એ પ્રક્રિયક $A$ ના સંદર્ભમાં પ્રક્રિયાનો ક્રમ દર્શાવે છે.
$(ii)$ $y$ એ પ્રક્રિયક $B$ ના સંદર્ભમાં પ્રક્રિયાનો ક્રમ દર્શાવે છે.
$(iii)$ $(x + y) = \text{પ્રક્રિયાનો કુલ ક્રમ}$.
પ્રક્રિયાનો ક્રમ: વેગ નિયમ સમીકરણમાં પ્રક્રિયકોની સાંદ્રતાના ઘાતાંકોના સરવાળાને તે રાસાયણિક પ્રક્રિયાનો ક્રમ કહેવામાં આવે છે.
પ્રક્રિયાનો ક્રમ $0, 1, 2, 3$ અથવા અપૂર્ણાંક પણ હોઈ શકે છે,અને આ મૂલ્યો હંમેશા પ્રાયોગિક રીતે નક્કી કરવામાં આવે છે.