સાનુકૂલિત પ્રસરણની લાક્ષણિકતાઓ જણાવો.

(N/A) સાનુકૂલિત પ્રસરણ પ્રોટીનની પાર્શ્વ શૃંખલા સાથે પ્રતિક્રિયા કરતા અવરોધકો પ્રત્યે સંવેદનશીલ હોય છે.
પટલમાં આવેલા પ્રોટીન અણુઓને આરપાર પસાર થવા માટે માર્ગ પૂરો પાડે છે.
કેટલાક માર્ગ હંમેશાં ખુલ્લા હોય છે,જ્યારે કેટલાક નિયંત્રિત (gated) હોય છે.
કેટલાક માર્ગ મોટા હોય છે,જે વિવિધ પ્રકારના અણુઓને આરપાર જવાની પરવાનગી આપે છે.
પોરિન્સ એવા પ્રોટીન છે જે રંજકકણો,કણાભસૂત્રો અને કેટલાક બેક્ટેરિયાના બાહ્ય પટલમાં મોટા કદના છિદ્રોનું નિર્માણ કરે છે,જે નાના પ્રોટીન જેટલા કદના અણુઓને પસાર થવા દે છે.
સાનુકૂલિત પ્રસરણમાં,વહન પ્રોટીન બાહ્ય કોષીય અણુ સાથે જોડાય છે અને ત્યારબાદ તેને કોષની અંદર મુક્ત કરે છે.
ઉદાહરણ તરીકે જલમાર્ગ,જે આઠ પ્રકારના વિવિધ એક્વાપોરિન્સથી બનેલા છે.