ચુંબકીય ક્ષેત્રને સમાંતર રહેલી એક ચુંબકીય સોયને $60^{\circ}$ જેટલી ફેરવવા માટે $W$ એકમ કાર્યની જરૂર પડે છે. આ સ્થિતિમાં સોયને જાળવી રાખવા માટે જરૂરી ટોર્ક કેટલું હશે?

$10^4\,J/T$ જેટલી ચુંબકીય મોમેન્ટ ધરાવતો એક ગજિયો ચુંબક સમક્ષિતિજ સમતલમાં મુક્ત રીતે ફરી શકે છે. આ ચુંબકને $4 \times 10^{-5}\,T$ ના સમક્ષિતિજ ચુંબકીય ક્ષેત્રને સમાંતર દિશામાંથી ક્ષેત્ર સાથે $60^\circ$ ના ખૂણે ધીમેથી ફેરવવા માટે કરવું પડતું કાર્ય... $J$ હશે.

બે સમાન ટૂંકા ગજિયા ચુંબકો,જે દરેકની ચુંબકીય મોમેન્ટ $M$ છે,તેમને એકબીજાથી $2d$ અંતરે સમક્ષિતિજ સમતલમાં એકબીજાને લંબ અક્ષો રહે તે રીતે મૂકવામાં આવ્યા છે. તેમની વચ્ચેના મધ્યબિંદુએ ચુંબકીય પ્રેરણ કેટલું હશે?

$2 \text{ A m}^2$ ની ચુંબકીય મોમેન્ટ ધરાવતો એક ગજિયો ચુંબક $0.3 \text{ T}$ ના સમાન ચુંબકીય ક્ષેત્રની દિશામાં ગોઠવાયેલો છે. ચુંબકની ચુંબકીય મોમેન્ટને ક્ષેત્રની દિશાને લંબ રૂપે ગોઠવવા માટે બાહ્ય ટોર્ક દ્વારા કરવામાં આવતું કાર્ય કેટલું હશે ($\text{ J}$ માં)?

$5.25 \times 10^{-2} \; J \, T^{-1}$ જેટલી ચુંબકીય મોમેન્ટ ધરાવતા એક ટૂંકા ગજિયા ચુંબકને પૃથ્વીના ચુંબકીય ક્ષેત્રની દિશાને લંબ રહે તે રીતે મૂકવામાં આવે છે. ચુંબકના કેન્દ્રથી કેટલા અંતરે પરિણામી ચુંબકીય ક્ષેત્ર પૃથ્વીના ચુંબકીય ક્ષેત્ર સાથે $45^{\circ}$ નો ખૂણો બનાવશે,જ્યારે તે બિંદુ
$(a)$ તેની વિષુવરેખા પર હોય અને
$(b)$ તેની અક્ષ પર હોય.
આ સ્થળે પૃથ્વીના ચુંબકીય ક્ષેત્રનું મૂલ્ય $0.42 \; G$ છે. ચુંબકની લંબાઈને અંતરની સરખામણીમાં અવગણો.

ચુંબકના કેન્દ્રથી $R$ અંતરે ચુંબકને કારણે ઉદ્ભવતું ચુંબકીય ક્ષેત્ર (જ્યાં $R$ એ ચુંબકની લંબાઈ કરતા ઘણું મોટું છે) કોના પ્રમાણમાં હોય છે?