$m$ દળ અને $c$ વિશિષ્ટ ઉષ્મા ધારિતા ધરાવતી એક ગોળી એર ગનમાંથી $v$ ઝડપે છોડવામાં આવે છે અને તે સ્ટીલની પ્લેટ સાથે અથડાય છે. અથડામણ દરમિયાન,ગોળીની ગતિઊર્જાના $50\%$ ભાગનું ઉષ્મા ઊર્જામાં રૂપાંતર થાય છે. તો ગોળીના તાપમાનમાં થતો વધારો કેટલો હશે?

કાચના પાત્રના કદ પ્રસરણાંક અને તેની અંદર રાખેલા ચીકણા પ્રવાહીના કદ પ્રસરણાંકનો ગુણોત્તર $1 : 4$ છે. પાત્રના આંતરિક કદનો કેટલો ભાગ પ્રવાહીએ રોકવો જોઈએ જેથી બાકી રહેલી ખાલી જગ્યાનું કદ તમામ તાપમાને સમાન રહે?

$0 \, ^\circ C$ તાપમાને એક સમઘનની બધી બાજુઓ પર $P$ દબાણ લગાડવામાં આવે છે. સમઘનનું તાપમાન કેટલું વધારવું જોઈએ જેથી તે તેનું મૂળ કદ પ્રાપ્ત કરે? ધારો કે સમઘનનો બલ્ક મોડ્યુલસ $\beta$ છે અને કદ પ્રસરણાંક $\alpha$ છે.

$2\, L$ કદ ધરાવતા પાણીને પાત્રમાં $1\, kW$ ની કોઈલ વડે $27\, ^{\circ}C$ તાપમાને ગરમ કરવામાં આવે છે. પાત્રનું ઢાંકણ ખુલ્લું છે અને ઉર્જા $160\, J/s$ ના દરે વ્યય પામે છે. તાપમાન $27\, ^{\circ}C$ થી વધીને $77\, ^{\circ}C$ થવા માટે કેટલો સમય લાગશે? [આપેલ છે: પાણીની વિશિષ્ટ ઉષ્મા $4.2\, kJ/(kg \cdot K)$ છે]

એક જ પદાર્થમાંથી બનેલી બે વસ્તુઓનું દળ $m$ અને $2m$ છે અને તેમના તાપમાન અનુક્રમે $2T$ અને $T$ છે. જ્યારે $2m$ દળ ધરાવતી વસ્તુને $Q$ જેટલી ઉષ્મા આપવામાં આવે છે, ત્યારે તેનું તાપમાન વધીને $2T$ થાય છે. જો તેટલી જ ઉષ્મા $m$ દળ ધરાવતી વસ્તુને આપવામાં આવે, તો તેનું તાપમાન વધીને કેટલું થશે?

બે સમાન લંબાઈના થર્મોમીટર $T_1$ અને $T_2$ ધ્યાનમાં લો,જેનો ઉપયોગ $\theta_1$ થી $\theta_2$ તાપમાનના ગાળાને માપવા માટે થાય છે. $T_1$ માં થર્મોમેટ્રિક પ્રવાહી તરીકે પારો (mercury) છે,જ્યારે $T_2$ માં બ્રોમિન છે. $\theta_1$ તાપમાને બંને પ્રવાહીના કદ સમાન છે. પારો અને બ્રોમિનના કદ પ્રસરણાંક અનુક્રમે $18 \times 10^{-5} \, K^{-1}$ અને $108 \times 10^{-5} \, K^{-1}$ છે. તાપમાનમાં સમાન વધારો થવાને કારણે દરેક પ્રવાહીની લંબાઈમાં થતો વધારો સમાન છે. જો બે થર્મોમીટરની કેપિલરી ટ્યુબના વ્યાસ અનુક્રમે $d_1$ અને $d_2$ હોય,તો $d_1: d_2$ નો ગુણોત્તર કોની નજીક હશે?