એક વલય (ring),એક નક્કર ગોળો (solid sphere) અને એક તકતી (disc) ને સમાન ઊંચાઈ પરથી ઢળતા સમતલ પર ગબડાવવામાં આવે છે. તેઓ તળિયે પહોંચવાનો ક્રમ કયો છે?

એક નક્કર ગોળો ઢળતી સપાટી પર લપસ્યા વિના ગબડી રહ્યો છે. તેની ચાકગતિ ઉર્જા અને કુલ ગતિ ઉર્જાનો ગુણોત્તર કેટલો થશે?

એક નક્કર ગોળો સમાન ઊંચાઈ પરંતુ અલગ-અલગ ઢાળના ખૂણા ધરાવતા બે અલગ-અલગ ઢળતા સમતલો પર નીચે ગબડે છે.
$(a)$ શું તે દરેક કિસ્સામાં સમાન ઝડપે તળિયે પહોંચશે?
$(b)$ શું તેને એક સમતલ પર નીચે ગબડતા બીજા કરતા વધુ સમય લાગશે?
$(c)$ જો તેમ હોય,તો કયા સમતલ પર અને શા માટે?

એક ઢળતી સપાટી સમક્ષિતિજ સાથે $30^\circ$ નો ખૂણો બનાવે છે. તેના પર એક નક્કર ગોળો સ્થિર સ્થિતિમાંથી લપસ્યા વિના ગબડવાનું શરૂ કરે છે,તો તેનો રેખીય પ્રવેગ કેટલો હશે?

એક રીંગ $L$ લંબાઈના ઢળતા સમતલ પર સરકતી વખતે $t_1$ સમય લે છે અને તે જ સમતલ પર ગબડતી વખતે $t_2$ સમય લે છે. ગુણોત્તર $\frac{t_1}{t_2}$ કેટલો થાય?

એક રીંગ,ગોળો અને તકતી સમાન ઊંચાઈ પરથી ઢળતા સમતલ પર ગબડી રહ્યા છે. ખોટું વિધાન શોધો: (જ્યાં $t$ એ નીચે ઉતરવાનો સમય છે,$a$ એ પ્રવેગ છે અને $v$ એ તળિયે ઝડપ છે).