એક પદાર્થ ઘર્ષણરહિત ટ્રેક પરથી નીચે સરકે છે જે $D$ વ્યાસના વર્તુળાકાર લૂપમાં સમાપ્ત થાય છે. પદાર્થ લૂપને પૂર્ણ કરી શકે તે માટે તેની લઘુત્તમ ઊંચાઈ $h$ એ $D$ ના પદમાં કેટલી હશે?

$L$ લંબાઈના સાદા લોલક સાથે $m$ દળનો ગોળો જોડાયેલ છે. જ્યારે ગોળો તેના સૌથી નીચલા સ્થાને હોય, ત્યારે તેને શિરોલંબ વર્તુળમાં ગતિ કરવા માટે જરૂરી લઘુત્તમ સમક્ષિતિજ ઝડપ આપવામાં આવે છે. જ્યારે દોરી સમક્ષિતિજ હોય, ત્યારે ગોળા પર લાગતું પરિણામી બળ કેટલું હશે?

$1 \,kg$ દળનો એક પથ્થર દોરી સાથે બાંધેલો છે અને તેને $1 \,m$ ત્રિજ્યાના શિરોલંબ વર્તુળમાં ફેરવવામાં આવે છે. જો સૌથી ઉંચા બિંદુએ તણાવ $14 \,N$ હોય,તો સૌથી નીચા બિંદુએ વેગ ............ $m/s$ હશે.

$2 \, kg$ દળના પદાર્થને $2 \, m$ લંબાઈની દોરી વડે બાંધીને શિરોલંબ વર્તુળાકાર માર્ગે ફેરવવામાં આવે છે. તો તેની મહત્તમ અને ન્યૂનતમ ગતિઊર્જા વચ્ચેનો તફાવત $J$ માં કેટલો મળે?

એક વજનરહિત દોરી $3.7 \, kg \, wt$ સુધીનું તણાવ સહન કરી શકે છે. $500 \, g$ દળનો એક પથ્થર તેને બાંધીને $4 \, m$ ત્રિજ્યાના વર્તુળાકાર માર્ગ પર શિરોલંબ સમતલમાં ફેરવવામાં આવે છે. જો $g = 10 \, m/s^2$ હોય,તો પથ્થરનો મહત્તમ કોણીય વેગ ........ $rad/s$ હશે.

$m$ દળનો એક પથ્થર $20 \ cm$ ત્રિજ્યાવાળા શિરોલંબ વર્તુળમાં ભ્રમણ કરે છે. ન્યૂનતમ અને મહત્તમ સ્થાન વચ્ચે ગતિઊર્જાનો તફાવત કેટલો હશે?