આકૃતિમાં દર્શાવ્યા મુજબ એક સમઘન (cube) ની ઉપરની સપાટી પર બળ $F$ લગાડવામાં આવે છે. સમઘન અને જમીન વચ્ચેનો ઘર્ષણાંક $\mu$ છે. જો $F$ ને ક્રમશઃ વધારવામાં આવે,તો સમઘન સરકવાને બદલે ઉથલી પડશે. તો $\mu$ નો વિસ્તાર શોધો:

નીચે આપેલા વિધાનો સાચાં છે કે ખોટાં તે જણાવો:
$(a)$ વેગમાન અને વેગમાનનો ફેરફાર હંમેશાં એક જ દિશામાં હોય છે.
$(b)$ ક્રિયાબળ અને પ્રતિક્રિયાબળ હંમેશાં એક સાથે અને એક જ પદાર્થ પર લાગે છે.
$(c)$ મહત્તમ સ્થિત ઘર્ષણબળ,સંપર્ક સપાટીના ક્ષેત્રફળ પર આધાર રાખે છે.

$10 \,kg$ દળ ધરાવતા પદાર્થને જમીન પરથી $40 \,m/s$ ની ઝડપે સમક્ષિતિજ સાથે $60^{\circ}$ ના ખૂણે ફેંકવામાં આવે છે. પ્રક્ષિપ્ત કર્યાના એક સેકન્ડ પછી પદાર્થના વેગમાનમાં થતા ફેરફારનો દર $SI$ એકમમાં કેટલો હશે? [$g = 9.8 \,m/s^2$ લો]

નીચેના કિસ્સાઓમાં લાગતા પરિણામી બળનું મૂલ્ય અને દિશા જણાવો:
$(a)$ અચળ ઝડપથી નીચે પડતું વરસાદનું ટીપું,
$(b)$ પાણી પર તરતો $10\; g$ દળનો બૂચ (cork),
$(c)$ આકાશમાં સ્થિર રાખેલી પતંગ,
$(d)$ ખરબચડા રસ્તા પર $30\; km/h$ ના અચળ વેગથી ગતિ કરતી કાર,
$(e)$ અવકાશમાં તમામ પદાર્થોથી દૂર અને વિદ્યુત તથા ચુંબકીય ક્ષેત્રોથી મુક્ત એવો હાઈ-સ્પીડ ઈલેક્ટ્રોન.

$m_1$ દળનો બ્લોક $A$ એક સમક્ષિતિજ ટેબલ પર રહેલો છે. તેની સાથે જોડાયેલી એક હલકી દોરી ટેબલની ધાર પર રહેલી ઘર્ષણરહિત ગરગડી પરથી પસાર થાય છે અને તેના બીજા છેડેથી $m_2$ દળનો બીજો બ્લોક $B$ લટકાવેલો છે. બ્લોક $A$ અને ટેબલ વચ્ચેનો ગતિક ઘર્ષણાંક $\mu_k$ છે. જ્યારે બ્લોક $A$ ટેબલ પર સરકતો હોય,ત્યારે દોરીમાં તણાવ કેટલું હશે?

$1 \,kg$ દળ ધરાવતા સ્થિર પદાર્થ પર ઉગમબિંદુ આગળ ત્રણ બળો $\vec{F}_1=(2 \hat{i}+4 \hat{j}) \,N$,$\vec{F}_2=(2 \hat{j}-\hat{k}) \,N$ અને $\vec{F}_3=(\hat{k}-4 \hat{i}-2 \hat{j}) \,N$ લગાડવામાં આવે છે. $t=2 \,s$ સમયે પદાર્થનું સ્થાન શું હશે?