$l$ લંબાઈનો એક સળિયો એક છેડેથી મિજાગરા (hinged) વડે જોડાયેલ છે. તેને સમક્ષિતિજ સ્થિતિમાં લાવીને મુક્ત કરવામાં આવે છે. જ્યારે સળિયો શિરોલંબ સ્થિતિમાં હોય ત્યારે તેની કોણીય ઝડપ કેટલી હશે?

$m$ દળ અને $l$ લંબાઈનો એક પાતળો સમાન સળિયો $AB$ એક છેડે $A$ આગળ જમીન પર મિજાગરા (hinged) વડે જોડેલો છે. શરૂઆતમાં સળિયો શિરોલંબ સ્થિતિમાં છે અને તેને શિરોલંબ સમતલમાં મુક્તપણે પડવા દેવામાં આવે છે. જ્યારે તેનો છેડો $B$ જમીનને અથડાય ત્યારે સળિયાનો કોણીય વેગ કેટલો હશે? ($g$ = ગુરુત્વપ્રવેગ)

$I$ જડત્વની ચાકમાત્રા ધરાવતું એક ફ્લાયવ્હીલ $n$ પરિભ્રમણ પ્રતિ સેકન્ડની ઝડપે ફરે છે. તેની આવૃત્તિ બમણી કરવા માટે જરૂરી કાર્ય કેટલું હશે?

ચંદ્ર પૃથ્વીની આસપાસ $R$ ત્રિજ્યાની કક્ષામાં $T$ આવર્તકાળ સાથે પરિભ્રમણ કરે છે. તે પોતાની ધરી પર પણ $T$ આવર્તકાળ સાથે ફરે છે. જો ચંદ્રનું દળ $M$ અને તેની ત્રિજ્યા $r$ હોય,તો ચંદ્રની કુલ ગતિઊર્જા કેટલી થાય?

$R$ મીટર ત્રિજ્યા અને $M$ કિગ્રા દળ ધરાવતી એક વર્તુળાકાર તકતી તેના સમતલને લંબ અક્ષ પર ભ્રમણ કરે છે. તકતી પર એક બાહ્ય ટોર્ક એવી રીતે લગાડવામાં આવે છે કે જેથી $\theta(t) = 5t^2 - 8t$ થાય,જ્યાં $\theta(t)$ એ સમય $t$ ના વિધેય તરીકે તકતીનું કોણીય સ્થાન છે. જ્યારે $t = 2$ સેકન્ડ હોય,ત્યારે લગાડવામાં આવેલા ટોર્ક દ્વારા કેટલો પાવર ઉત્પન્ન થાય છે ($MR^2$ માં)?

$m$ દળ અને $l$ લંબાઈનો એક પાતળો સળિયો તેના એક છેડામાંથી પસાર થતી સમક્ષિતિજ ધરી પર દોલનો કરે છે. તેની મહત્તમ કોણીય ઝડપ $\omega$ છે. તેનું દ્રવ્યમાન કેન્દ્ર કેટલી મહત્તમ ઊંચાઈ સુધી ઉપર જશે?