તરંગના કંપવિસ્તાર અને કળા વિશે સમજાવો.

(N/A) તરંગના પ્રસરણમાં ભાગ લેતા કણના મહત્તમ સ્થાનાંતરના મૂલ્યને તરંગનો કંપવિસ્તાર કહે છે. તેને $a$ અથવા $A$ સંજ્ઞા વડે દર્શાવવામાં આવે છે.
તરંગના સમીકરણ મુજબ:
$y = a \sin(kx - \omega t + \phi)$
કારણ કે $\sin(kx - \omega t + \phi)$ નું મૂલ્ય મહત્તમ $\pm 1$ હોય છે,તેથી આપણે લખી શકીએ:
$y_{\max} = a(\pm 1) = \pm a$
તેથી,તરંગનો કંપવિસ્તાર $= |y_{\max}| = a$.
તરંગનો કંપવિસ્તાર હંમેશા ધન હોય છે. તેનો $SI$ એકમ $m$ છે અને તેનું પારિમાણિક સૂત્ર $[M^0 L^1 T^0]$ છે.
પ્રારંભિક કળા $(\phi)$: જો આપણને $t = 0$ સમયે તરંગના ઉદગમ સ્થાને કણનું પ્રારંભિક સ્થાન અને તેની ગતિની દિશા ખબર હોય,તો આપણે પ્રારંભિક કળા $\phi$ નું મૂલ્ય શોધી શકીએ છીએ:
$y(x, t) = a \sin(\omega t - kx + \phi)$
$x = 0$ અને $t = 0$ મૂકતા,$y(0, 0) = a \sin \phi$.
અહીં $\sin \phi$ જાણીને,આપણે પ્રારંભિક કળા $\phi$ શોધી શકીએ છીએ.
તરંગના સમીકરણ $y = y(x, t) = a \sin(\omega t - kx + \phi)$ માં,સાઈન વિધેયનો આર્ગ્યુમેન્ટ $(\omega t - kx + \phi)$ છે,જેને ઉદગમથી $x$ અંતરે $t$ સમયે તરંગની કુલ કળા કહેવામાં આવે છે. તે $t$ સમયે તરંગના ઉદગમથી $x$ અંતરે રહેલા કણના દોલનની કુલ કળા દર્શાવે છે.