એલ્યુમિનાના વિદ્યુતવિભાજનીય રિડક્શનની સમજૂતી આપો.

(N/A) એલ્યુમિનિયમના વિદ્યુતવિભાજનીય રિડક્શનમાં,શુદ્ધ $Al_{2}O_{3}$ ને $Na_{3}AlF_{6}$ (ક્રાયોલાઇટ) અથવા $CaF_{2}$ (ફ્લોરસ્પાર) સાથે મિશ્ર કરવામાં આવે છે,જે મિશ્રણનું ગલનબિંદુ ઘટાડે છે અને તેની વિદ્યુત વાહકતા વધારે છે.
આ મિશ્રણનું વિદ્યુતવિભાજન સ્ટીલના પાત્રમાં કરવામાં આવે છે,જેમાં કાર્બનનું પડ કેથોડ તરીકે અને ગ્રેફાઇટના સળિયા એનોડ તરીકે કાર્ય કરે છે.
સમગ્ર પ્રક્રિયા નીચે મુજબ છે:
$2Al_{2}O_{3} + 3C \rightarrow 4Al + 3CO_{2}$
વિદ્યુતવિભાજન દરમિયાન એનોડ પર ઓક્સિજન વાયુ મુક્ત થાય છે,જે એનોડના કાર્બન સાથે પ્રક્રિયા કરીને $CO$ અને $CO_{2}$ બનાવે છે.
દરેક $1 \ kg$ એલ્યુમિનિયમ ઉત્પન્ન કરવા માટે,લગભગ $0.5 \ kg$ કાર્બન એનોડ વપરાઈ જાય છે. તેથી,ગ્રેફાઇટ એનોડને સમયાંતરે બદલવા પડે છે.
કેથોડ પ્રક્રિયા: $Al^{3+} + 3e^{-} \rightarrow Al_{(l)}$
એનોડ પ્રક્રિયાઓ:
$C_{(s)} + O^{2-} \rightarrow CO_{(g)} + 2e^{-}$
$C_{(s)} + 2O^{2-} \rightarrow CO_{2(g)} + 4e^{-}$