$O \rightarrow O^{-}$ અને $O \rightarrow O^{2-}$ માટે ઇલેક્ટ્રોન પ્રાપ્તિ એન્થાલ્પીના મૂલ્યો અનુક્રમે $-141 \ kJ \ mol^{-1}$ અને $702 \ kJ \ mol^{-1}$ છે,તો તમે $O^{-}$ ને બદલે $O^{2-}$ સ્પીસીઝ ધરાવતા મોટી સંખ્યામાં ઓક્સાઇડના નિર્માણ માટે શું કારણ આપી શકો?
(સૂચન: સંયોજનોના નિર્માણમાં લેટીસ ઉર્જાના પરિબળને ધ્યાનમાં લો).

(N/A) આયનીય સંયોજનની સ્થિરતા મુખ્યત્વે તેની લેટીસ ઉર્જા દ્વારા નક્કી થાય છે. લેટીસ ઉર્જા જેટલી વધારે,સંયોજન તેટલું જ વધુ સ્થિર.
લેટીસ ઉર્જા એ આયનો પરના વીજભારના ગુણાકારના સીધા પ્રમાણમાં હોય છે. જ્યારે ધાતુ ઓક્સિજન સાથે પ્રક્રિયા કરે છે,ત્યારે $O^{2-}$ આયન ધરાવતા ઓક્સાઇડની લેટીસ ઉર્જા $O^{-}$ આયન ધરાવતા ઓક્સાઇડ કરતા ઘણી વધારે હોય છે.
જોકે ઓક્સિજન માટે બીજી ઇલેક્ટ્રોન પ્રાપ્તિ એન્થાલ્પી ઉષ્માશોષક $(702 \ kJ \ mol^{-1})$ છે,પરંતુ આ ઉર્જા $O^{2-}$ આયનો સાથે સ્ફટિક લેટીસના નિર્માણ દરમિયાન મુક્ત થતી મોટી માત્રામાં લેટીસ ઉર્જા દ્વારા ભરપાઈ થઈ જાય છે. તેથી,$O^{2-}$ ધરાવતા ઓક્સાઇડ $O^{-}$ ધરાવતા ઓક્સાઇડ કરતા વધુ સ્થિર હોય છે.