અષ્ટફલકીય સંકીર્ણમાં સ્ફટિક ક્ષેત્ર વિભાજન કયા પરિબળો પર આધાર રાખે છે?

(N/A) સ્ફટિક ક્ષેત્ર વિભાજન $\Delta_{o}$ નીચેના પરિબળો પર આધાર રાખે છે:
$(i)$ ધાતુ આયનનો વીજભાર (ઓક્સિડેશન અવસ્થા): ધાતુ આયન પરનો વીજભાર જેટલો વધારે,તેટલું સ્ફટિક ક્ષેત્ર વિભાજન વધારે હોય છે.
$(ii)$ લિગેન્ડની પ્રબળતા: જો લિગેન્ડ પ્રબળ હોય,તો તે પ્રબળ ક્ષેત્ર ઉત્પન્ન કરે છે જે $d$-કક્ષકોનું મોટું વિભાજન કરે છે અને તેથી સ્ફટિક ક્ષેત્ર વિભાજન વધે છે. નિર્બળ લિગેન્ડના કિસ્સામાં,સ્ફટિક ક્ષેત્ર વિભાજન ઓછું હોય છે.
લિગેન્ડની પ્રબળતા પ્રાયોગિક રીતે નક્કી કરવામાં આવે છે. જ્યારે આ લિગેન્ડને ક્ષેત્રની પ્રબળતાના વધતા ક્રમમાં ગોઠવવામાં આવે છે,ત્યારે તેને સ્પેક્ટ્રોકેમિકલ શ્રેણી તરીકે ઓળખવામાં આવે છે:
$I^{-} < Br^{-} < SCN^{-} < Cl^{-} < S^{2-} < F^{-} < OH^{-} < C_{2}O_{4}^{2-} < H_{2}O < NCS^{-} < edta^{4-} < NH_{3} < en < CN^{-} < CO$