એક સમલંબ ચતુષ્કોણનું ક્ષેત્રફળ $475 \, cm^2$ છે અને તેની ઊંચાઈ $19 \, cm$ છે. જો એક સમાંતર બાજુ બીજી બાજુ કરતાં $4 \, cm$ વધારે હોય,તો તેની બંને સમાંતર બાજુઓની લંબાઈ શોધો.

એક લંબચોરસ $ABCD$ ના પરિમાણો $51 \, cm \times 25 \, cm$ છે. આકૃતિમાં દર્શાવ્યા મુજબ લંબચોરસમાંથી એક સમલંબ ચતુષ્કોણ $PQCD$ કાપવામાં આવે છે,જેની સમાંતર બાજુઓ $QC$ અને $PD$ નો ગુણોત્તર $9:8$ છે. જો સમલંબ ચતુષ્કોણ $PQCD$ નું ક્ષેત્રફળ લંબચોરસના ક્ષેત્રફળના $\frac{5}{6}$ ભાગનું હોય,તો $QC$ અને $PD$ ની લંબાઈ શોધો.

એક સમદ્વિબાજુ કાટકોણ ત્રિકોણનું ક્ષેત્રફળ $8 \, cm^{2}$ છે. તેના કર્ણની લંબાઈ કેટલી છે?

સમાંતરબાજુ ચતુષ્કોણ આકારના પાટિયાની પાસપાસેની બાજુઓ $12 \, cm$ અને $17 \, cm$ છે અને તેનો એક વિકર્ણ $25 \, cm$ છે. જો પાટિયા પર રંગકામ કરવાનો ખર્ચ $3$ રૂપિયા પ્રતિ $cm^2$ હોય,તો કુલ ખર્ચ શોધો.

ચતુષ્કોણ $ABCD$ માં,$AB = 20 \, cm$,$BC = 15 \, cm$,$CD = 12 \, cm$,$DA = 17 \, cm$ અને $\angle B = 90^{\circ}$ છે. તો ચતુષ્કોણનું ક્ષેત્રફળ $cm^2$ માં શોધો.

$2 \sqrt{3} \, cm$ બાજુ ધરાવતા સમબાજુ ત્રિકોણનું ક્ષેત્રફળ ($cm^2$ માં) કેટલું થાય?