સમશીતોષ્ણ પ્રદેશોની તુલનામાં ઉષ્ણકટિબંધીય/ઉપ-ઉષ્ણકટિબંધીય પ્રદેશોમાં જૈવવિવિધતા વધુ હોય છે. સમજાવો.

(N/A) જાતિ ઉદભવ (Speciation) સામાન્ય રીતે સમયનું વિધેય છે. સમશીતોષ્ણ પ્રદેશો કે જે ભૂતકાળમાં વારંવાર હિમયુગ (glaciations) ને આધીન રહ્યા હતા,તેની સરખામણીમાં ઉષ્ણકટિબંધીય અક્ષાંશો લાખો વર્ષો સુધી પ્રમાણમાં ખલેલ વગરના રહ્યા છે અને તેથી,જાતિઓના વૈવિધ્યકરણ માટે લાંબો ઉત્ક્રાંતિ સમય મળ્યો છે.
ઉષ્ણકટિબંધીય પર્યાવરણ,સમશીતોષ્ણ પ્રદેશોથી વિપરીત,ઓછું મોસમી,પ્રમાણમાં વધુ સ્થિર અને અનુમાનિત હોય છે. આવા સ્થિર પર્યાવરણો નિક વિશિષ્ટીકરણ (niche specialization) ને પ્રોત્સાહન આપે છે અને વધુ જૈવવિવિધતા તરફ દોરી જાય છે.
ઉષ્ણકટિબંધીય પ્રદેશોમાં વધુ સૌર ઊર્જા ઉપલબ્ધ છે,જે ઉચ્ચ ઉત્પાદકતામાં ફાળો આપે છે; આ બદલામાં પરોક્ષ રીતે વધુ વિવિધતામાં ફાળો આપી શકે છે.