બે દડા હવામાં ફેંકવામાં આવે છે. બીજો દડો પ્રથમ દડાના $2 \ s$ પછી ફેંકવામાં આવે છે. જ્યારે બંને દડા હવામાં હોય ત્યારે તેમના દ્રવ્યમાન કેન્દ્રનો પ્રવેગ કેટલો હશે?

$3m$ દળનો એક કણ જમીન પરથી સમક્ષિતિજ સાથે અમુક ખૂણે ફેંકવામાં આવે છે. તેની સમક્ષિતિજ અવધિ $R$ છે. તેના પથના મહત્તમ બિંદુએ તે $m$ અને $2m$ દળના બે ટુકડાઓમાં વિભાજિત થાય છે. નાનું દળ સ્થિર થઈ જાય છે અને મોટું દળ પ્રક્ષેપણ બિંદુથી $x$ અંતરે પડે છે,તો $x$ નું મૂલ્ય કેટલું હશે?

આકૃતિમાં દર્શાવ્યા મુજબ $1 \ kg$ અને $2 \ kg$ ના બે દળ એક ગરગડી પરથી લટકાવેલા છે. જો તંત્ર સ્થિર સ્થિતિમાંથી ગતિની શરૂઆત કરે,તો પ્રથમ બે સેકન્ડમાં દ્રવ્યમાન કેન્દ્ર દ્વારા કપાયેલું અંતર શોધો.

$5\, m$ લંબાઈની એક નિસરણી $AP$ શિરોલંબ દીવાલ સાથે નમેલી છે અને $2\, m/s$ ના વેગથી સમક્ષિતિજ સપાટી પર સરકી રહી છે. જ્યારે છેડો $A$ દીવાલથી $3\, m$ અંતરે હોય,ત્યારે આ ક્ષણે નિસરણીના દ્રવ્યમાન કેન્દ્ર $(C.M.)$ નો વેગ કેટલો હશે ($, m/s$ માં)?

બે માણસો $A$ અને $B$ એક પાટિયા પર ઉભા છે. $B$ પાટિયાની મધ્યમાં છે અને $A$ પાટિયાના ડાબા છેડે છે. પાટિયાની નીચેની સપાટી લીસી છે. તંત્ર શરૂઆતમાં સ્થિર છે અને દળ આકૃતિમાં દર્શાવ્યા મુજબ છે. $A$ અને $B$ એવી રીતે ગતિ કરવાનું શરૂ કરે છે કે જેથી $B$ નું સ્થાન જમીનની સાપેક્ષમાં નિશ્ચિત રહે અને $A$,$B$ ને મળે. તો જે બિંદુએ $A$,$B$ ને મળે છે તે ક્યાં આવેલું છે?

બે કણોના દળ $m_1$ અને $m_2$ છે. જો પ્રથમ કણ $(m_1)$ ને દ્રવ્યમાન-કેન્દ્ર તરફ $d$ અંતર જેટલું ખસેડવામાં આવે,તો બીજા કણ $(m_2)$ ને કેટલા અંતરથી ખસેડવો જોઈએ જેથી તંત્રનું દ્રવ્યમાન-કેન્દ્ર તેના મૂળ સ્થાને જ રહે?