સમાન આડછેદનું ક્ષેત્રફળ ધરાવતી બે ધાતુની સ્લેબની જાડાઈ અનુક્રમે $d_1$ અને $d_2$ છે અને ઉષ્મા વાહકતા $K_1$ અને $K_2$ છે,જે શ્રેણીમાં જોડાયેલ છે. બે સ્લેબના મુક્ત છેડાઓનું તાપમાન $T_1$ અને $T_2$ $(T_1 > T_2)$ રાખવામાં આવે છે. તેમના સામાન્ય જંકશનનું તાપમાન $T$ કેટલું હશે?

$A$ અને $2A$ આડછેદનું ક્ષેત્રફળ અને સમાન લંબાઈ ધરાવતા બે સળિયા,જેમની ઉષ્મીય વાહકતા $2K$ અને $3K$ છે,તેમને સમાંતર જોડવામાં આવે છે. તો તેમના સંયોજનની સમતુલ્ય ઉષ્મીય વાહકતા કેટલી થશે?

એક દિવાલ બે પડ $A$ અને $B$ ની બનેલી છે. બંને પડની જાડાઈ સમાન છે પરંતુ પદાર્થ અલગ-અલગ છે. $A$ ની ઉષ્માવાહકતા $B$ કરતાં બમણી છે. ઉષ્મીય સંતુલન અવસ્થામાં,દિવાલના બે છેડાઓ વચ્ચેનો તાપમાનનો તફાવત $36^{\circ}C$ છે. તો પડ $A$ ના બે છેડા વચ્ચેનો તાપમાનનો તફાવત $^oC$ માં કેટલો હશે?

એક સંયુક્ત સ્લેબ બે પદાર્થોનો બનેલો છે જેની ઉષ્મીય વાહકતાના ગુણાંક $K$ અને $2K$ છે,અને જાડાઈ અનુક્રમે $x$ અને $4x$ છે. સંયુક્ત સ્લેબની બે બહારની સપાટીઓનું તાપમાન $T_2$ અને $T_1$ $(T_2 > T_1)$ છે. સ્થાયી અવસ્થામાં સ્લેબમાંથી થતા ઉષ્મા વહનનો દર $\left[\frac{A(T_2 - T_1)K}{x}\right] \cdot f$ છે,જ્યાં '$f$' ની કિંમત કેટલી થાય?

એક લોખંડનો સળિયો $(L_{1}=0.1 \; m, A_{1}=0.02 \; m^{2}, K_{1}=79 \; W m^{-1} K^{-1})$ અને એક પિત્તળનો સળિયો $(L_{2}=0.1 \; m, A_{2}=0.02 \; m^{2}, K_{2}=109 \; W m^{-1} K^{-1})$ આકૃતિમાં દર્શાવ્યા મુજબ છેડાથી છેડા જોડેલા છે. લોખંડના સળિયા અને પિત્તળના સળિયાના મુક્ત છેડાઓ અનુક્રમે $373 \; K$ અને $273 \; K$ તાપમાને રાખવામાં આવ્યા છે. આ માટેના સૂત્રો મેળવો અને ગણતરી કરો:
$(i)$ બંને સળિયાના જંકશનનું તાપમાન,
$(ii)$ સંયુક્ત સળિયાની સમતુલ્ય ઉષ્મા વાહકતા,અને
$(iii)$ સંયુક્ત સળિયામાંથી પસાર થતો ઉષ્મા પ્રવાહ.

બે દ્રવ્યોની ઉષ્મા વાહકતાનો ગુણોત્તર $1 : 2$ છે. જો આ દ્રવ્યોના સળિયાની લંબાઈનો ગુણોત્તર $1 : 2$ અને આડછેદના ક્ષેત્રફળનો ગુણોત્તર $2 : 1$ હોય,તો તેમના ઉષ્મીય અવરોધનો ગુણોત્તર કેટલો થાય?