મધ્યકાષ્ઠ (Heartwood) અને રસકાષ્ઠ (Sapwood) વચ્ચેનો તફાવત સમજાવો.

(N/A) મધ્યકાષ્ઠ: જુના વૃક્ષોમાં,દ્વિતીયક જલવાહકનો મોટાભાગનો વિસ્તાર પ્રકાંડના કેન્દ્રમાં કે અંદરના સ્તરોમાં ટેનિન,રાળ,તેલ,ગુંદર,સુગંધીદાર પદાર્થો અને આવશ્યક તેલ જેવા કાર્બનિક પદાર્થોની જમાવટને કારણે ઘેરા બદામી રંગનો દેખાય છે. આ પદાર્થો લાકડાને સખત,ટકાઉ અને સૂક્ષ્મ જીવાણુઓ કે કીટકોના આક્રમણ સામે પ્રતિરોધક બનાવે છે. આ પ્રદેશ વધુ પ્રમાણમાં લિગ્નીનયુક્ત દીવાલો સાથેના મૃત ઘટકો ધરાવે છે,જેને મધ્યકાષ્ઠ કહે છે. મધ્યકાષ્ઠ પાણીનું વહન કરતું નથી,પરંતુ તે પ્રકાંડને યાંત્રિક આધાર આપે છે.
રસકાષ્ઠ: દ્વિતીયક જલવાહકનો પરિઘવર્તી પ્રદેશ આછા રંગનો હોય છે,જેને રસકાષ્ઠ કહે છે. તે મૂળથી પર્ણ સુધી પાણી અને ખનીજ દ્રવ્યોના વહનમાં સક્રિય ભાગ લે છે.