$r$ ત્રિજ્યા ધરાવતું વાહક તારનું એક વર્તુળાકાર લૂપ, જે શૂન્ય આંતરિક અવરોધ ધરાવતા વોલ્ટેજ સ્ત્રોત સાથે જોડાયેલ છે, તે તેના કેન્દ્ર પર $B$ જેટલું ચુંબકીય ક્ષેત્ર ઉત્પન્ન કરે છે. જો તેના બદલે, સમાન દ્રવ્ય અને સમાન આડછેદ ધરાવતું $2r$ ત્રિજ્યાનું વર્તુળાકાર લૂપ તે જ વોલ્ટેજ સ્ત્રોત સાથે જોડવામાં આવે, તો તેના કેન્દ્ર પર ચુંબકીય ક્ષેત્ર કેટલું હશે?

આકૃતિમાં દર્શાવ્યા મુજબના વિદ્યુતપ્રવાહ ધારિત વાહક $(AOCDEFG)$ માટે,બિંદુ $O$ પર ચુંબકીય પ્રેરણ શોધો ($R_1$ અને $R_2$ એ અનુક્રમે ચાપ $CD$ અને $EF$ ની ત્રિજ્યા છે,$I$ = લૂપમાં વહેતો પ્રવાહ,$\mu_0$ = શૂન્યાવકાશની પરમિએબિલિટી).

પાંચ લાંબા તાર $A, B, C, D$ અને $E$,દરેક $I$ જેટલો પ્રવાહ ધરાવે છે,જે આકૃતિમાં દર્શાવ્યા મુજબ પંચકોણીય પ્રિઝમની ધાર બનાવે છે. દરેક તારમાં પ્રવાહ કાગળના સમતલની બહારની તરફ વહે છે.
$(a)$ અક્ષ પરના બિંદુ $O$ પર ચુંબકીય પ્રેરણ કેટલું હશે? અક્ષ દરેક તારથી $R$ અંતરે છે.
$(b)$ જો એક તારમાં (ધારો કે $A$) પ્રવાહ બંધ કરવામાં આવે તો ચુંબકીય ક્ષેત્ર કેટલું હશે?
$(c)$ જો એક તારમાં (ધારો કે $A$) પ્રવાહની દિશા ઉલટાવવામાં આવે તો શું થાય?

$4 \text{ mm}$ વ્યાસ ધરાવતો એક લાંબો સીધો સળિયો '$i$' જેટલો સ્થાયી પ્રવાહ વહન કરે છે. પ્રવાહ તેના આડછેદ પર સમાન રીતે વહેંચાયેલો છે. સળિયાની અક્ષથી $1 \text{ mm}$ અને $4 \text{ mm}$ અંતરે ચુંબકીય ક્ષેત્રોનો ગુણોત્તર કેટલો થશે?

એક અનંત તારમાં $a$ ત્રિજ્યાનો વર્તુળાકાર વળાંક છે અને તેમાં આકૃતિમાં દર્શાવ્યા મુજબ $I$ જેટલો વિદ્યુતપ્રવાહ વહે છે. ઉગમબિંદુ $O$ પર ચુંબકીય ક્ષેત્રનું મૂલ્ય કેટલું હશે?

$I$ પ્રવાહ ધરાવતી $R$ ત્રિજ્યાની વર્તુળાકાર કોઈલના કેન્દ્ર પરનું ચુંબકીય ક્ષેત્ર,તેની અક્ષ પર કેન્દ્રથી $x$ અંતરે રહેલા ચુંબકીય ક્ષેત્ર કરતાં $64$ ગણું છે. તો $x$ નું મૂલ્ય શોધો.