એક બસ તેની ઝડપ $80 \, km \, h^{-1}$ થી ઘટાડીને $4 \, s$ માં $50 \, km \, h^{-1}$ કરે છે. બસનો પ્રવેગ શોધો.

વેગ$-$સમયના આલેખ હેઠળનું ક્ષેત્રફળ શેના બરાબર હોય છે?

પ્રવેગની વ્યાખ્યા આપો. પ્રવેગી ગતિ માટે $u, v, a$ અને $t$ ને જોડતો સંબંધ જણાવો. સમાન પ્રવેગી ગતિનું એક ઉદાહરણ આપો.

જે પદાર્થનો અંતર-સમયનો આલેખ નીચે મુજબ હોય,તેની ગતિ વિશે તમે શું કહી શકો?
$(i)$ સમયની ધરીને સમાંતર એક સીધી રેખા.
$(ii)$ ઉગમબિંદુમાંથી પસાર થતી અને સમયની ધરી સાથે ખૂણો બનાવતી એક સીધી રેખા.

નીચે આપેલ સ્થાનાંતર-સમયનો આલેખ જુદા જુદા સમયે પદાર્થનું સ્થાન દર્શાવે છે. પદાર્થ જ્યારે $(i) A-B, (ii) B-C, (iii) C-D$ વચ્ચે ગતિ કરે ત્યારે તેનો વેગ ગણો.

એક લાંબી દોડની સ્પર્ધામાં,રમતવીરોએ ટ્રેકના ચાર ચક્કર લગાવવાના હતા જેથી ફિનિશ લાઇન અને સ્ટાર્ટ લાઇન એક જ હોય. ધારો કે ટ્રેકની લંબાઈ $200 \ m$ છે.
$(a)$ રમતવીરો દ્વારા કાપવામાં આવેલું કુલ અંતર કેટલું છે?
$(b)$ જ્યારે રમતવીરો ફિનિશ લાઇનને સ્પર્શે છે ત્યારે તેમનું સ્થાનાંતર કેટલું હોય છે?
$(c)$ રમતવીરોની ગતિ નિયમિત છે કે અનિયમિત?
$(d)$ શું દોડના અંતે રમતવીરનું સ્થાનાંતર અને તેણે કાપેલું અંતર સમાન છે?