વિદ્યુત પ્રવાહ ધરાવતી કોઈલને સમાન ચુંબકીય ક્ષેત્રમાં મૂકવામાં આવે છે,તો

$r$ ત્રિજ્યા ધરાવતી એક વર્તુળાકાર કોઈલમાં $i$ જેટલો વિદ્યુતપ્રવાહ વહે છે. જો આ કોઈલને $B$ જેટલા સમાન ચુંબકીય ક્ષેત્રમાં એવી રીતે મૂકવામાં આવે કે જેથી તેનું સમતલ ચુંબકીય ક્ષેત્રને સમાંતર રહે,તો કોઈલ પર લાગતા ટોર્કનું મૂલ્ય કેટલું હશે?

$800$ આંટા અને $2.5 \times 10^{-4} \;m^{2}$ આડછેદનું ક્ષેત્રફળ ધરાવતું એક ગૂંચળું (સોલેનોઇડ) $3.0 \;A$ વિદ્યુતપ્રવાહ વહન કરે છે. જો સોલેનોઇડ શિરોલંબ દિશામાં મુક્ત રીતે ફરી શકે તેમ હોય અને $0.25 \;T$ નું સમાન આડું ચુંબકીય ક્ષેત્ર લાગુ પાડવામાં આવે,તો જ્યારે સોલેનોઇડની અક્ષ લાગુ પાડેલા ચુંબકીય ક્ષેત્ર સાથે $30^{\circ}$ નો ખૂણો બનાવે ત્યારે તેના પર લાગતા ટોર્કનું મૂલ્ય કેટલું હશે?

$1.00 \, m$ ત્રિજ્યા ધરાવતું એક વર્તુળાકાર લૂપ $10.0 \, mA$ નો વિદ્યુતપ્રવાહ ધરાવે છે. તેને આકૃતિમાં દર્શાવ્યા મુજબ લૂપના સમતલને સમાંતર $0.500 \, T$ ના સમાન ચુંબકીય ક્ષેત્રમાં મૂકવામાં આવે છે. ચુંબકીય ક્ષેત્ર દ્વારા લૂપ પર લાગતા ટોર્કનું મૂલ્ય શોધો.

આકૃતિમાં દર્શાવ્યા મુજબ,$R$ ત્રિજ્યા અને $m$ દળ ધરાવતા ગોળા પર એક આંટાવાળી કોઈલ વીંટાળેલી છે. કોઈલનું સમતલ ઢળતી સપાટીને સમાંતર છે અને ગોળાના વિષુવવૃત્તીય સમતલમાં આવેલું છે. કોઈલમાં વહેતો પ્રવાહ $i$ છે. જો ગોળો સંતુલનમાં હોય,તો ચુંબકીય ક્ષેત્ર $B$ નું મૂલ્ય કેટલું હશે?

નીચેની આકૃતિ કાયમી ચુંબકના ઉત્તર અને દક્ષિણ ધ્રુવો દર્શાવે છે,જેમાં $A$ આડછેદનું ક્ષેત્રફળ ધરાવતી $n$ આંટાવાળી કોઈલ મૂકેલી છે. જ્યારે કોઈલમાંથી $i$ જેટલો વિદ્યુતપ્રવાહ પસાર કરવામાં આવે છે,ત્યારે કોઈલનું સમતલ ચુંબકીય ક્ષેત્ર $B$ ની દિશા સાથે $\theta$ ખૂણો બનાવે છે. કોઈલ પર લાગતું ટોર્ક કેટલું હશે?