પ્રાચીન સમયમાં રજૂ કરવામાં આવેલ ગ્રહોની ગતિના મોડેલ અને સિદ્ધાંતનું વર્ણન કરો.

(A) ગ્રહોની ગતિ માટેનું સૌથી જૂનું નોંધાયેલ મોડેલ,જે આશરે $2000$ વર્ષ પહેલાં ટોલેમી દ્વારા પ્રસ્તાવિત કરવામાં આવ્યું હતું,તે 'ભૂકેન્દ્રી' (geocentric) મોડેલ હતું,જેમાં તમામ અવકાશી પદાર્થો,જેમ કે તારાઓ,સૂર્ય અને ગ્રહો,પૃથ્વીની આસપાસ ફરતા હતા.
એક વધુ સચોટ મોડેલ,'સૂર્યકેન્દ્રી' (heliocentric) મોડેલ,જેમાં સૂર્ય કેન્દ્રમાં હતો અને ગ્રહો તેની આસપાસ ફરતા હતા,તેનો ઉલ્લેખ ભારતીય ઋષિ અને વૈજ્ઞાનિક શ્રી આર્યભટ્ટે તેમના ગ્રંથમાં કર્યો હતો. એક હજાર વર્ષ પછી,નિકોલસ કોપરનિકસે એક મોડેલ પ્રસ્તાવિત કર્યું જેમાં ગ્રહો સ્થિર કેન્દ્રીય સૂર્યની આસપાસ વર્તુળાકાર માર્ગે ગતિ કરતા હતા. તેમના સિદ્ધાંતનો ચર્ચ દ્વારા વિરોધ કરવામાં આવ્યો હતો,પરંતુ ગેલિલિયો દ્વારા તેને નોંધપાત્ર સમર્થન મળ્યું હતું.
ગેલિલિયો પછી,ટાયકો બ્રાહેએ નરી આંખે ગ્રહોના અવલોકનો નોંધ્યા હતા. તેમના દ્વારા એકત્રિત કરવામાં આવેલા ડેટાનું વિશ્લેષણ જોહાન્સ કેપ્લરે કર્યું હતું. તેમણે ગ્રહોની ગતિ માટે ત્રણ નિયમો આપ્યા. આ નિયમો ન્યૂટન જાણતા હતા અને તેનાથી તેમને ગુરુત્વાકર્ષણનો સાર્વત્રિક નિયમ પ્રસ્તાવિત કરવામાં એક મોટી વૈજ્ઞાનિક છલાંગ લગાવવામાં મદદ મળી હતી.