એક તળાવની પારદર્શક સપાટીથી $30 \ m$ ઉપર આવેલા બિંદુએથી અવલોકન કરતા વિમાનનો ઉત્સેધકોણ $30^{\circ}$ છે અને તળાવના પાણીમાં વિમાનના પ્રતિબિંબનો અવસેધકોણ $60^{\circ}$ છે. તળાવની સપાટીથી વિમાનની ઊંચાઈ ($m$ માં) કેટલી હશે?

એક ટાવર સમક્ષિતિજ સપાટી પર ઉભો છે. ટાવરના પાયાથી $100 \ m$ દૂર જમીન પર ઉભેલો એક માણસ ટાવરની ટોચનો ઉત્સેધકોણ $30^{\circ}$ માપે છે. ટાવરની ઊંચાઈ ($m$ માં) કેટલી છે?

એક અધૂરા ટાવરના ટોચનો ઉત્સેધકોણ તેના પાયાથી $120 \ m$ દૂર આવેલા બિંદુએ $45^{\circ}$ છે. જો તે જ બિંદુએ ટાવરની ટોચનો ઉત્સેધકોણ $60^{\circ}$ કરવો હોય,તો ટાવરને કેટલી ઊંચાઈ સુધી વધારવો પડે?

એક સમક્ષિતિજ સમતલ પર ઉભેલો ટાવર તેના પાયાથી $160 \; m$ દૂર આવેલા એક બિંદુએ અમુક ખૂણો આંતરે છે. ટાવર તરફ $100 \; m$ આગળ વધતા,ટાવર અગાઉ કરતા બમણો ખૂણો આંતરે છે. ટાવરની ઊંચાઈ ($m$ માં) શોધો:

$6 \ ft$ ની ઊંચાઈ ધરાવતી વ્યક્તિ એક $\frac{26}{3} \ ft$ ઊંચા ઝાડ પર રહેલું ફળ તોડવા માંગે છે. જો વ્યક્તિ ઝાડના થડથી $\frac{8}{\sqrt{3}} \ ft$ દૂર ઉભી હોય,તો તેણે કેટલા ખૂણે પથ્થર ફેંકવો જોઈએ જેથી તે ફળને વાગે ($^{\circ}$ માં)?

જમીનથી $5000 \; m$ ની ઊંચાઈએ ઉડતું એક વિમાન એક ક્ષણે બીજા વિમાનની બરાબર ઉપરથી પસાર થાય છે. તે ક્ષણે,જમીન પરના એક જ બિંદુથી બંને વિમાનોના ઉત્સેધકોણ અનુક્રમે $60^{\circ}$ અને $45^{\circ}$ છે. તે ક્ષણે બંને વિમાનો વચ્ચેનું શિરોલંબ અંતર કેટલું હશે?