બે પાસાઓને એકસાથે ફેંકવામાં આવે છે. બંને સંખ્યાઓનો સરવાળો $4$ નો ગુણક હોય તેની સંભાવના કેટલી છે?

બે સંખ્યાઓ $x$ અને $y$ ને પૂર્ણાંક સંખ્યાઓના ગણ $\{1, 2, 3, 4, \dots, 15\}$ માંથી યાદચ્છિક રીતે પસંદ કરવામાં આવે છે. બિંદુ $(x, y)$ એ $(0, 0)$ માંથી પસાર થતી અને $\frac{2}{3}$ ઢાળ ધરાવતી રેખા પર હોય તેની સંભાવના કેટલી છે?

એક પેટીમાં $1$ લાલ અને $3$ સમાન સફેદ દડા છે. બે દડાને વારાફરતી પુરવણી વગર યાદચ્છિક રીતે પસંદ કરવામાં આવે છે. આ પ્રયોગ માટે નિદર્શાવકાશ લખો.

આંકડાશાસ્ત્રનો એક પ્રશ્ન ત્રણ વિદ્યાર્થીઓ $A, B$ અને $C$ ને આપવામાં આવે છે. તેમના પ્રશ્ન ઉકેલવાની સંભાવનાઓ અનુક્રમે $\frac{1}{2}, \frac{1}{3}$ અને $\frac{1}{4}$ છે. જો તેઓ બધા સ્વતંત્ર રીતે પ્રયાસ કરે,તો પ્રશ્ન ઉકેલાય તેની સંભાવના કેટલી?

ધારો કે $S$ એ તમામ પાંચ અંકની સંખ્યાઓનો નિદર્શાવકાશ છે. જો $p$ એ $S$ માંથી યાદચ્છિક રીતે પસંદ કરેલી સંખ્યા $7$ નો ગુણક હોય પરંતુ $5$ વડે વિભાજ્ય ન હોય તેની સંભાવના હોય,તો $9p$ ની કિંમત શોધો.

ગણિતનો એક પ્રશ્ન $4$ વિદ્યાર્થીઓને આપવામાં આવે છે, જેમના વ્યક્તિગત રીતે ઉકેલવાની સંભાવનાઓ $\frac{1}{2}, \frac{1}{3}, \frac{1}{4}$ અને $\frac{1}{5}$ છે. પ્રશ્ન ઓછામાં ઓછા એક વિદ્યાર્થી દ્વારા ઉકેલાય તેની સંભાવના કેટલી છે?