સંગામી બળો એટલે શું? સંગામી બળોની અસર હેઠળ કણનું સંતુલન સમજાવો.

(N/A) સંગામી બળો: જો આપેલા તમામ બળોની કાર્યરેખા એક જ બિંદુમાંથી પસાર થતી હોય,તો આ બળોને સંગામી બળો કહેવામાં આવે છે.
મિકેનિક્સમાં,જ્યારે કણ પર લાગતું પરિણામી બળ શૂન્ય હોય,ત્યારે કણ સંતુલનમાં છે તેમ કહેવાય છે. આ કિસ્સામાં કણ કાં તો સ્થિર હોય છે અથવા અચળ વેગથી ગતિ કરતો હોય છે.
જો કણ પર માત્ર એક જ બળ $\vec{F}$ લાગે,તો તેની ગતિ પ્રવેગી હોય છે અને તે સંતુલનમાં રહી શકતું નથી.
જો કણ પર બે બળો $\vec{F}_{1}$ અને $\vec{F}_{2}$ લાગતા હોય,તો સંતુલન માટે $\Sigma \vec{F} = 0$ થાય,જેનો અર્થ છે:
$\vec{F}_{1} + \vec{F}_{2} = 0$
$\therefore \vec{F}_{1} = -\vec{F}_{2}$
જો કણ પર ત્રણ બળો $\vec{F}_{1}, \vec{F}_{2},$ અને $\vec{F}_{3}$ લાગતા હોય,તો સંતુલન માટે $\Sigma \vec{F} = 0$:
$\vec{F}_{1} + \vec{F}_{2} + \vec{F}_{3} = 0$
$\therefore \vec{F}_{3} = -(\vec{F}_{1} + \vec{F}_{2})$
બળોના સમાંતરબાજુ ચતુષ્કોણના નિયમ મુજબ,$\vec{F}_{1}$ અને $\vec{F}_{2}$ નું પરિણામી બળ વિકર્ણ દ્વારા દર્શાવવામાં આવે છે. જ્યારે સમાન મૂલ્યનું બળ $\vec{F}_{3}$ વિરુદ્ધ દિશામાં લગાડવામાં આવે ત્યારે કણ સંતુલનમાં રહેશે. સદિશના ત્રિકોણના નિયમ મુજબ:
$\vec{PQ} + \vec{QR} + \vec{RP} = 0$
$\therefore \vec{F}_{1} + \vec{F}_{2} + \vec{F}_{3} = 0$
$\therefore \Sigma \vec{F} = 0$