ભીના લાકડાની ઢળતી સપાટી પર સ્થિર પડેલા એક લાકડાના બોક્સને ઢાળને લંબ રૂપે લાગતા અચળ બળ $F$ દ્વારા સ્થિર સંતુલનમાં રાખવામાં આવે છે. જો બોક્સનું દળ $1 \ kg$ હોય, ઢાળનો ખૂણો $30^{\circ}$ હોય અને બોક્સ તથા ઢળતા સમતલ વચ્ચેનો સ્થિત ઘર્ષણાંક $0.2$ હોય, તો $F$ નું લઘુત્તમ મૂલ્ય કેટલું હશે? ($g=10 \ m/s^2$ લો)

કુલ લંબાઈ $L$ ધરાવતી એક સમાન સાંકળ સ્થિર છે,જેનો કેટલોક ભાગ $\theta = 30^{\circ}$ ના ઢાળ પર છે અને કેટલોક ભાગ શિરોલંબ લટકે છે. સાંકળ અને ઢાળ વચ્ચેનો ઘર્ષણાંક $\mu = \frac{1}{2\sqrt{3}}$ છે. ગુણોત્તર $\frac{L_{\max}}{L_{\min}}$ શોધો,જ્યાં $L_{\max}$ એ ઢાળ પર રહેલી સાંકળની મહત્તમ લંબાઈ છે અને $L_{\min}$ એ ઢાળ પર રહેલી સાંકળની ન્યૂનતમ લંબાઈ છે જેથી સાંકળ સ્થિર રહે.

એક નાનું દળ સમક્ષિતિજ સાથે $\theta$ ખૂણાવાળા ઢળતા સમતલ પર નીચે સરકે છે. ઘર્ષણાંક $\mu = \mu_0 x$ છે,જ્યાં $x$ એ દળ દ્વારા કાપેલું અંતર છે અને $\mu_0$ એક અચળાંક છે. તો દળ અટકે તે પહેલાં તેણે કાપેલું અંતર કેટલું હશે?

એક લંબચોરસ બોક્સ ખરબચડી ઢળતી સપાટી પર પડેલું છે. સપાટી અને બોક્સ વચ્ચેનો ઘર્ષણાંક $\mu$ છે. ધારો કે બોક્સનું દળ $m$ છે.
$(a)$ સમક્ષિતિજ સાથે સમતલનો કયો ઢાળનો ખૂણો $\theta$ હશે કે જેના પર બોક્સ સમતલ પર નીચે તરફ સરકવાનું શરૂ કરશે?
$(b)$ જો સમતલનો ઢાળનો ખૂણો વધારીને $\alpha > \theta$ કરવામાં આવે,તો બોક્સ પર સમતલની નીચેની દિશામાં લાગતું બળ કેટલું હશે?
$(c)$ બોક્સને સ્થિર રાખવા અથવા સમાન ઝડપ સાથે ઉપર તરફ ગતિ કરાવવા માટે સમતલ પર ઉપરની દિશામાં કેટલું બળ લગાડવું જરૂરી છે?
$(d)$ બોક્સને $a$ પ્રવેગ સાથે સમતલ પર ઉપરની તરફ ગતિ કરાવવા માટે સમતલ પર ઉપરની દિશામાં કેટલું બળ લગાડવું જરૂરી છે?

$45^{\circ}$ ના ખરબચડા ઢળતા સમતલ પરથી પદાર્થને નીચે સરકવા માટે લાગતો સમય,તે જ $45^{\circ}$ ના સંપૂર્ણ લીસા ઢળતા સમતલ પરથી સરકવા માટે લાગતા સમય કરતા $n$ ગણો છે. પદાર્થ અને ઢળતા સમતલ વચ્ચેનો ગતિક ઘર્ષણાંક કેટલો હશે?

એક સમાંગ ઘનાકાર ઈંટ ખરબચડી ઢળતી સપાટી પર સ્થિર પડેલી છે. ઈંટનો કયો અડધો ભાગ સપાટી પર વધુ દબાણ લગાડે છે?