એક કાર સ્થિર સ્થિતિમાંથી શરૂ થાય છે અને $x-$ અક્ષ પર $8\, s$ માટે $5\, ms^{-2}$ ના અચળ પ્રવેગ સાથે ગતિ કરે છે. જો તે પછી અચળ વેગ સાથે ગતિ ચાલુ રાખે,તો કાર સ્થિર સ્થિતિમાંથી શરૂ થયા પછી $12\, s$ માં કેટલું અંતર કાપશે ($m$ માં)?

સ્થાનાંતર-સમય આલેખ દ્વારા તમે શું સમજો છો? સમાન વેગ સાથે શાળાએ જતી છોકરી માટે સ્થાનાંતર-સમય આલેખ દોરો. તેના પરથી આપણે સમાન વેગની ગણતરી કેવી રીતે કરી શકીએ?

એક પદાર્થને $150 \, m$ ની ઊંચાઈએથી સ્થિર સ્થિતિમાંથી મુક્ત કરવામાં આવે છે અને તે જ સમયે બીજા પદાર્થને $100 \, m$ ની ઊંચાઈએથી સ્થિર સ્થિતિમાંથી મુક્ત કરવામાં આવે છે. જો બંને પદાર્થો સમાન પ્રવેગ સાથે નીચે પડતા હોય,તો $2 \, s$ પછી તેમની ઊંચાઈમાં કેટલો તફાવત હશે? ઊંચાઈમાં તફાવત સમય સાથે કેવી રીતે બદલાય છે?

નીચે આપેલા કારના ઝડપ-સમયના આલેખનો અભ્યાસ કરો અને નીચેના પ્રશ્નોના જવાબ આપો:
$(a)$ $OA$ દ્વારા કેવા પ્રકારની ગતિ દર્શાવવામાં આવી છે?
$(b)$ $B$ થી $C$ સુધીનો પ્રવેગ શોધો.
$(c)$ $A$ થી $B$ સુધી પદાર્થ દ્વારા કાપેલું અંતર ગણો.

એક વર્તુળાકાર સાયકલ ટ્રેકનો પરિઘ $314 \ m$ છે અને $AB$ તેનો એક વ્યાસ છે. એક સાયકલ સવાર $A$ થી $B$ સુધી વર્તુળાકાર માર્ગ પર $15.7 \ m s^{-1}$ ના અચળ વેગથી મુસાફરી કરે છે. નીચેના શોધો:
$(a)$ સાયકલ સવાર દ્વારા કાપેલું અંતર.
$(b)$ સાયકલ સવારનું સ્થાનાંતર,જો $AB$ ઉત્તર-દક્ષિણ દિશા દર્શાવતું હોય.
$(c)$ સાયકલ સવારનો સરેરાશ વેગ.

ઝડપ-સમયના આલેખ હેઠળનું ક્ષેત્રફળ શેના બરાબર હોય છે?