એક કણનો પ્રારંભિક વેગ $(3\hat i + 4\hat j) \; ms^{-1}$ અને પ્રવેગ $(0.4\hat i + 0.3\hat j) \; ms^{-2}$ છે. $10 \; s$ પછી તેની ઝડપ કેટલી હશે?

એક કણ $xy$ સમતલમાં અચળ પ્રવેગ $\vec{a} = (4.0 \, m \, s^{-2}) \hat{i} + (4.0 \, m \, s^{-2}) \hat{j}$ સાથે ગતિ કરે છે. $t = 0$ સમયે, વેગ $\vec{v}_0 = (4.0 \, m \, s^{-1}) \hat{i}$ છે. જ્યારે કણ $x$-અક્ષને સમાંતર $6.0 \, m$ જેટલું સ્થાનાંતર કરે ત્યારે તેની ઝડપ કેટલી હશે?

$m$ દળનો એક પ્રક્ષિપ્ત પદાર્થ જમીન પરથી $50 \, m/s$ ની ઝડપે સમક્ષિતિજ સાથે $53^{\circ}$ ના ખૂણે ફેંકવામાં આવે છે. તે ગતિપથના સર્વોચ્ચ બિંદુએ બે સમાન ભાગોમાં વિભાજિત થાય છે. વિસ્ફોટ પછી તરત જ એક કણ સ્થિર થઈ જાય છે. વિસ્ફોટ પહેલાં અને પછી ગતિ કરતા કણની વક્રતા ત્રિજ્યાનો ગુણોત્તર કેટલો હશે?

$1 \; kg$ દળનો એક દડો શિરોલંબ ઉપરની તરફ ફેંકવામાં આવે છે અને $3 \; s$ પછી જમીન પર પાછો આવે છે. બીજો દડો,જે શિરોલંબ સાથે $60^{\circ}$ ના ખૂણે ફેંકવામાં આવે છે,તે પણ જમીનને સ્પર્શે તે પહેલાં તેટલા જ સમય માટે હવામાં રહે છે. બંને દડા દ્વારા પ્રાપ્ત મહત્તમ ઊંચાઈનો ગુણોત્તર કેટલો હશે?

સમાન ત્રિજ્યા $R$ ધરાવતી બે સમાન તકતીઓ તેમની ધરી પર વિરુદ્ધ દિશામાં સમાન અચળ કોણીય ઝડપ $\omega$ થી ભ્રમણ કરે છે. તકતીઓ એક જ સમક્ષિતિજ સમતલમાં છે. સમય $t=0$ પર,બિંદુઓ $P$ અને $Q$ આકૃતિમાં દર્શાવ્યા મુજબ એકબીજાની સામે છે. બે બિંદુઓ $P$ અને $Q$ વચ્ચેની સાપેક્ષ ઝડપ સમયના વિધેય તરીકે નીચેનામાંથી કયા આલેખ દ્વારા શ્રેષ્ઠ રીતે દર્શાવવામાં આવી છે?

$m$ અને $3m$ દળ ધરાવતા બે પથ્થરોને સમક્ષિતિજ વર્તુળોમાં ફેરવવામાં આવે છે, ભારે પથ્થર $r/3$ ત્રિજ્યામાં અને હલકો પથ્થર $r$ ત્રિજ્યામાં ફરે છે. જ્યારે બંને પથ્થરો સમાન કેન્દ્રગામી બળ અનુભવે છે, ત્યારે હલકા પથ્થરની સ્પર્શક ઝડપ એ ભારે પથ્થરની ઝડપ કરતા 'n' ગણી છે. 'n' નું મૂલ્ય કેટલું છે?