એક ટ્રેન $V$ ની અચળ ઝડપે ગતિ કરી રહી છે. જ્યારે તેનો ડ્રાઈવર તેની આગળ સમાન ટ્રેક પર સમાન દિશામાં $u$ ની અચળ ઝડપે ગતિ કરતી બીજી ટ્રેન જુએ છે. જો બંને ટ્રેન વચ્ચેનું અંતર $x$ હોય,તો અથડામણ ટાળવા માટે ટ્રેનનો લઘુત્તમ પ્રતિપ્રવેગ (retardation) કેટલો હોવો જોઈએ?

એક બસ સીધા રસ્તા પર $10\, ms^{-1}$ ના વેગથી ગતિ કરી રહી છે. એક સ્કૂટર સવાર $100\, s$ માં બસને ઓવરટેક કરવા માંગે છે. જો બસ સ્કૂટર સવારથી $1\, km$ ના અંતરે હોય,તો સ્કૂટર સવારે કેટલા વેગથી બસનો પીછો કરવો જોઈએ? ......... $ms^{-1}$

$72\, km/h$ ની ઝડપે ગતિ કરતી એક મોટર કાર $3.0\, s$ કરતા ઓછા સમયમાં અટકી શકતી નથી,જ્યારે ટ્રક માટે આ સમયગાળો $5.0\, s$ છે. હાઇવે પર,કાર ટ્રકની પાછળ છે અને બંને $72\, km/h$ ની ઝડપે ગતિ કરી રહ્યા છે. ટ્રક ડ્રાઇવર ઇમરજન્સી સ્ટોપનો સંકેત આપે છે. કાર ટ્રકથી કેટલા લઘુત્તમ અંતરે હોવી જોઈએ જેથી તે ટ્રક સાથે અથડાય નહીં? માનવ પ્રતિભાવ સમય $0.5\, s$ છે.

એક પદાર્થને ટાવરની ટોચ પરથી $10 \, m/s$ ની ઝડપે શિરોલંબ ઉપરની તરફ અને બીજા પદાર્થને તે જ સમયે તેટલી જ ઝડપે નીચેની તરફ ફેંકવામાં આવે છે. પ્રથમ પદાર્થનો બીજા પદાર્થની સાપેક્ષે પ્રવેગનું મૂલ્ય ...... $m/s^2$ છે ($g = 10 \, m/s^2$ લો).

ટ્રેન $A$ બે સમાંતર રેલવે ટ્રેક પર ઉત્તર દિશામાં $72 \ km/h$ ની ઝડપે ગતિ કરી રહી છે અને ટ્રેન $B$ દક્ષિણ દિશામાં $108 \ km/h$ ની ઝડપે ગતિ કરી રહી છે. ટ્રેન $A$ ની સાપેક્ષે ટ્રેન $B$ નો વેગ અને ટ્રેન $B$ ની સાપેક્ષે જમીનનો વેગ ($ms^{-1}$ માં) કેટલો હશે?

$100\,m$ ઊંચી ઇમારતની ટોચ પરથી એક દડો નીચે ફેંકવામાં આવે છે. તે જ ક્ષણે ઇમારતના તળિયેથી બીજો એક દડો $40\,m/s$ ના વેગથી ઉપરની તરફ ફેંકવામાં આવે છે. બંને દડા કેટલા સમય પછી મળશે?