રેતીને $2\,kg/s$ ના દરે કન્વેયર બેલ્ટ પર નાખવામાં આવે છે. બેલ્ટને $3\,m/s$ ની અચળ ઝડપે ગતિશીલ રાખવા માટે જરૂરી બળ ........... $N$ હશે.

$M$ દળની એક નક્કર તકતીને હવામાં સમક્ષિતિજ રીતે સ્થિર રાખવા માટે દર સેકન્ડે $40$ પથ્થરોને $6\,m/s$ ના વેગથી ઉપરની તરફ ફેંકવામાં આવે છે જે તકતી સાથે અથડાય છે. જો દરેક પથ્થરનું દળ $0.05\,kg$ હોય,તો તકતીનું દળ $kg$ માં કેટલું હશે? ($g = 10\,m/s^2$ લો)

બળ-મુક્ત અવકાશમાં એક ઉપગ્રહ સ્થિર આંતરગ્રહીય ધૂળને $\frac{d M}{d t} = \alpha v$ ના દરે એકત્રિત કરે છે,જ્યાં $M$ એ દળ છે,$v$ એ ઉપગ્રહની ઝડપ છે અને $\alpha$ એ અચળાંક છે. ઉપગ્રહનો પ્રવેગ કેટલો હશે?

$5 \times 10^3 \ kg$ દળનો ટ્રેનનો ડબ્બો (વેગન) $1.2 \ m/s$ ના પ્રારંભિક વેગ સાથે ઘર્ષણરહિત પાટા પર ગતિ કરે છે. વરસાદનું પાણી ડબ્બામાં શિરોલંબ અધોદિશામાં પડે છે. જ્યારે ડબ્બામાં $10^3 \ kg$ પાણી ભેગું થાય,ત્યારે ડબ્બાની ગતિઊર્જામાં થતો ફેરફાર $J$ માં કેટલો હશે?

શું રોકેટના ઉડ્ડયનને પ્રક્ષિપ્ત ગતિ ગણી શકાય? કારણ આપો.

$1500 \ kg$ ના પ્રારંભિક દળ ધરાવતું એક રોકેટ $10 \ kg/s$ ના અચળ દરે $5 \ km/s$ ની સાપેક્ષ ઝડપે વાયુ બહાર કાઢે છે. ગુરુત્વાકર્ષણને અવગણતા,પ્રક્ષેપણના $50 \ s$ પછી રોકેટનો પ્રવેગ $x \ ms^{-2}$ છે. $x$ નું મૂલ્ય શોધો.